കേരളത്തിലെ ആദ്യ ഡിഫന്‍ഡര്‍ ഡി 90 സ്വന്തമാക്കി ഫഹദ് ഫാസിലും നസ്രിയയും. ഡിസ്‌കവറിയുടെ മൂന്ന് ഡോറുള്ള ഈ പതിപ്പ് കൊച്ചിയിലെ മുത്തൂറ്റ് ജെഎല്‍ആറില്‍ നിന്നാണ് വാങ്ങിയത്. 2.70 കോടിയാണ് വാഹനത്തിന്റെ ഓണ്‍റോഡ് വില. നികുതി ഇനത്തില്‍ മാത്രമായി 46 ലക്ഷം രൂപ അടയ്ക്കണം.
എന്‍സിപി ക്രാഷ് ടെസ്റ്റില്‍ 5 സ്റ്റാര്‍ ലഭിച്ചിട്ടുള്ള വാഹനമാണ് ലാന്‍ഡ് റോവര്‍ ഡിഫന്‍ഡര്‍. വയര്‍ലെസ് ഫോണ്‍ ചാര്‍ജിങ്, യുഎസ്ബി, ബ്ലൂടൂത്ത് കണക്ടിവിറ്റി, 10 ഇഞ്ച് ടച്ച് സ്‌ക്രീന്‍, ആപ്പിള്‍ കാര്‍പ്ലേ തുടങ്ങി നൂതനമായ പല സൗകര്യങ്ങളും ഈ വാഹനത്തിലുണ്ട്.
സുരക്ഷയ്ക്ക് കൂടുതല്‍ പ്രാധാന്യം നല്‍കുന്ന ഡിഫന്‍ഡറില്‍ ആറ് എയര്‍ബാഗുകള്‍ ഉണ്ട്. ഇതിനു പുറമേ ആന്റി ലോക്ക് ബ്രേക്കിങ് സിസ്റ്റം, ബ്രേക്ക് അസിസ്റ്റ്, പവര്‍ ഡോര്‍ ലോക്ക്, ചൈല്‍ഡ് സേഫ്റ്റി ലോക്ക്‌സ്, ആന്റി തെഫ്റ്റ് അലാം എന്നീ സൗകര്യങ്ങളും ലഭ്യമാണ്.
