ബോളിവുഡ് സൂപ്പര്‍താരം ഷാരൂഖ് ഖാന്റെ ഭാര്യ ഗൗരി ഖാന്റെ 51-ാം ജന്മദിനമാണ് ഇന്ന്. മുംബൈയിലുള്ള മന്നത്ത് എന്ന വീട്ടില്‍ ഗൗരിയുടെ ജന്മദിനം വലിയ രീതിയില്‍ ആഘോഷിക്കുക പതിവാണ്. എന്നാല്‍, ഇത്തവണ ആഘോഷങ്ങളൊന്നും ഇല്ല. ഷാരൂഖ് ഖാന്-ഗൗരി ഖാന് ദമ്പതികളുടെ മൂത്ത മകന്‍ ആര്യന്‍ ഖാന് ലഹരിക്കേസില്‍ പിടിയിലായിട്ട് ഇന്നേക്ക് ഒരാഴ്ചയായി. അമ്മയുടെ 51-ാം പിറന്നാള്‍ ദിനം ലഹരിമരുന്ന് കേസില്‍ മകന്‍ ജാമ്യം തേടി കോടതിയുടെ മുന്നിലാണ്. ഇന്ന് ഉച്ചയ്ക്ക് 12.30 നാണ് ആര്യന്‍ ഖാന്റെ ജാമ്യാപേക്ഷ പരിഗണിക്കുന്നത്. നിലവില്‍ പതിനാല് ദിവസത്തെ ജുഡീഷ്യല്‍ കസ്റ്റഡിയിലാണ് താരപുത്രന്‍.
