ഗോൾഡ് ഒടിടി റിലീസിന്, റിലീസ് തീയ്യതി പ്രഖ്യാപിച്ചു

മലയാളത്തിൽ ഏറെ ചർച്ചയായ അൽഫോൺസ് പുത്രൻ- പൃഥ്വിരാജ് ചിത്രം ഗോൾഡ് ഒടിടി റിലീസിന് തയ്യാറെടുക്കുന്നു. പ്രേമം എന്ന സൂപ്പർ ഹിറ്റ് ചിത്രത്തിന് ശേഷം പുറത്തിറങ്ങിയ അൽഫോൺസ് പുത്രൻ ചിത്രത്തിന് സമാനമായ വിജയം കൈവരിക്കാനായില്ല. എങ്കിലും ഒരു വിഭാഗം പ്രേക്ഷകരെ സിനിമ തൃപ്തിപ്പെടുത്തിയിരുന്നു.

ആമസോൺ പ്രൈമിലാണ് ചിത്രം റിലീസ് ചെയ്യുന്നത്. ഡിസംബർ 29നാണ് ചിത്രം സ്ട്രീം ചെയ്തു തുടങ്ങുക. ഓണം റിലീസായി പ്ലാൻ ചെയ്തിരുന്ന ചിത്രം പോസ്റ്റ് പ്രൊഡക്ഷൻ വൈകി ഡിസംബർ ഒന്നിനാണ് റിലീസ് ചെയ്തത്. തിയേറ്ററിൽ പ്രതീക്ഷിച്ച വിജയം കൊയ്തില്ലെങ്കിലും തങ്ങൾക്ക് ലാഭം നൽകിയ ചിത്രമാണ് ഗോൾഡെന്ന് ചിത്രത്തിൻ്റെ നിർമാതാക്കൾ അറിയിച്ചിരുന്നു.