സമൂഹമാധ്യമങ്ങളില്‍ സ്ഥിരം സൈബര്‍ ആക്രമണങ്ങള്‍ക്ക് വിധേയയാകുന്ന താരമാണ് ഹണിറോസ്. സിനിമയില്‍ സജീവസാന്നിധ്യമാണെങ്കിലും ഉദ്ഘാടനങ്ങളിലും സ്ഥിരമായി താരം പങ്കെടുക്കാറുണ്ട്. ഈ ചിത്രങ്ങളെല്ലാം വലിയ രീതിയില്‍ ചര്‍ച്ചയാകുന്നതും പതിവാണ്. ചിത്രങ്ങള്‍ക്ക് കീഴില്‍ പലപ്പോഴും ബോഡി ഷെയ്മിംഗ് കമന്റുകളും എത്താറുണ്ട്. സൗന്ദര്യത്തിനായി താരം പല സര്‍ജറികളും ചെയ്തിട്ടുണ്ടെന്ന ആരോപണമാണ് ഇതില്‍ പ്രധാനം.
എന്നാല്‍ താന്‍ ഇത്തരത്തിലുള്ള യാതൊരു സര്‍ജറിയും ചെയ്തിട്ടില്ലെന്നാണ് താരം പറയുന്നത്. വനിതാ മാസികയ്ക്ക് നല്‍കിയ അഭിമുഖത്തിലാണ് താരം മനസ്സ് തുറന്നത്. ഞാന്‍ ഒരു സര്‍ജറിയും ചെയ്തിട്ടില്ല. ദൈവം തന്നതല്ലാതെ ഒന്നും എനിക്കില്ല. സൗന്ദര്യം നിലനിര്‍ത്താനുള്ള കാര്യങ്ങള്‍ മാത്രമെ ഞാന്‍ ചെയ്യാറുള്ളു. ഈ രംഗത്ത് നിലനില്‍ക്കുമ്പോള്‍ അതില്ലാതെ സാധിക്കില്ല. ഒരു നടിയായിരിക്കുക എന്നതും ഗ്ലാമറില്‍ ജോലി ചെയ്യുക എന്നതും എളുപ്പമല്ല. സൗന്ദര്യം സംരക്ഷിക്കാനായി വര്‍ക്കൗട്ടുകള്‍ ചെയ്യാറുണ്ട്. കൃത്യമായ ഡയറ്റും ട്രീറ്റ്‌മെന്റുകളും എടുക്കാറുണ്ട്. ഹണിറോസ് പറഞ്ഞു.
