സിബിഐ സീരീസ് പോലെ തന്നെ അതിലെ തീം മ്യൂസിക്കും മലയാളികള്‍ മറക്കില്ല.ശ്യാം ഈണമിട്ട തീം മ്യൂസിക്ക് പുതുതലമുറയ്ക്ക് ഇഷ്ടമാകുന്ന രീതിയില്‍ ചില മാറ്റങ്ങള്‍ വരുത്തിയാണ് അഞ്ചാം ഭാഗത്തില്‍ ഉപയോഗിച്ചിരിക്കുന്നത്.ജേക്‌സ് ബിജോയ് ആണ് 'സിബിഐ 5 ദ ബ്രെയ്ന്‍'ന് വേണ്ടി സംഗീതമൊരുക്കുന്നത്. സിനിമ തുടങ്ങുന്നതിനു മുമ്പ് ശ്യാമിനെ കണ്ട് അനുഗ്രഹം വാങ്ങിയാണ് ജേക്‌സ് ജോലികള്‍ തുടങ്ങിയത്.അദ്ദേഹത്തിന്റെ കണ്ടപ്പോള്‍ ഉണ്ടായ അനുഭവം പങ്കുവയ്ക്കുകയാണ് ജേക്‌സ്.
'സിബിഐ 5 ടീസറിന് മികച്ച സ്വീകാര്യത ലഭിച്ചു, നല്ല വാക്കുകള്‍ക്ക് എല്ലാവര്‍ക്കും നന്ദി. ഈ അവസരത്തില്‍, പ്രോജക്ട് ആരംഭിക്കുന്നതിന് മുമ്പ് പ്രിയ ശ്യാം സാറിനൊപ്പം എടുത്ത ഒരു ചിത്രം പങ്കിടാന്‍ ഞാന്‍ ആഗ്രഹിക്കുന്നു. ഞാന്‍ അദ്ദേഹത്തിന്റെ അനുഗ്രഹം ചോദിച്ചു, അദ്ദേഹം എനിക്ക് രണ്ട് ഉപദേശം നല്‍കി.' ജീവിതാവസാനം വരെ നിങ്ങളുടെ സംഗീതത്തോട് സത്യസന്ധത പുലര്‍ത്തുക, നിങ്ങളുടെ കരിയറില്‍ നിങ്ങളോടൊപ്പം പ്രവര്‍ത്തിച്ച ഓരോ വ്യക്തിയോടും നന്ദിയുള്ളവരായിരിക്കുക'. ഒരു അഭിനന്ദനത്തിനും ഞാന്‍ ക്രെഡിറ്റ് എടുക്കുന്നില്ല, ശ്യാം സാറിന്റെ ഈ അത്ഭുതകരമായ സൃഷ്ടിയ്ക്കൊപ്പം പ്രവര്‍ത്തിക്കാന്‍ അവസരം ലഭിച്ചതില്‍ ഞാന്‍ ഭാഗ്യവാനാണ്'-ജേക്‌സ് ബിജോയ് കുറിച്ചു.
