Trisha Krishnan, Fahad Fazil
തെന്നിന്ത്യന്‍ സിനിമയില്‍ കഴിഞ്ഞ 2 പതിറ്റാണ്ടായി നിറഞ്ഞുനില്‍ക്കുന്ന താരമാണ് തൃഷ, തമിഴ് സിനിമയിലൂടെയാണ് മലയാളികള്‍ക്ക് ഏറെ പരിചയമെങ്കിലും മലയാളത്തിലും തന്റെ സാന്നിധ്യം താരം അറിയിച്ചിട്ടുണ്ട്. ഇപ്പോള്‍ തന്റെ ഏറ്റവും പുതിയ സിനിമയായ തഗ് ലൈഫിന്റെ പ്രമോഷന്‍ തിരക്കുകളിലാണ് താരം. ഇതിനിടെ തന്റെ ഇഷ്ടനടനെ പറ്റി സംസാരിച്ചിരിക്കുകയാണ് താരം. മലയാളത്തില്‍ ഫഹദ് ഫാസിലിനൊപ്പം അഭിനയിക്കാന്‍ താന്‍ ആഗ്രഹിക്കുന്നതായാണ് തൃഷ വെളിപ്പെടുത്തിയത്.
ഓരോ സിനിമ കഴിയും തോറും അത്ഭുതപ്പെടുത്തുന്ന നടനാണ് ഫഹദ്. ഏഴ് ഴോണറായാലും അനായാസമായി കഥാപാത്രങ്ങള്‍ ചെയ്യാന്‍ അദ്ദേഹത്തിന് സാധിക്കുന്നു. അടുത്തിടെ ഫഹദ് നായകനായെത്തിയ ആവേശം തനിക്ക് ഏറെ പ്രിയപ്പെട്ടതാണ്. അതിലെ ഫഹദിന്റെ പ്രകടനം ഏറെ ആസ്വദിച്ചെന്നും തൃഷ പറയുന്നു. ഏതെങ്കിലും മലയാള നടന്റെ കൂടെ അഭിനയിക്കാന്‍ ആഗ്രഹമുണ്ടോ എന്ന് ചോദിച്ചാല്‍ സംശയമൊന്നുമില്ലാതെ ഫഹദിന്റെ പേരാകും ഞാന്‍ പറയുക. എനിക്ക് ഇഷ്ടമുള്ള നടനാണ് ഫഹദ്. ഏത് ഴോണറിലുള്ള സിനിമയാണെങ്കിലും എത്ര ചെറിയ വേഷമാണെങ്കിലും കുഴപ്പമില്ല. ഫഹദിനൊപ്പം അഭിനയിക്കാന്‍ ആഗ്രഹമുണ്ട്. തൃഷ പറഞ്ഞു.
