തെന്നിന്ത്യൻ സിനിമയിൽ ഏറ്റവും താരമൂല്യമുള്ള നടിയാണ് അനുഷ്‌ക ഷെട്ടി. ഒടുവിൽ മലയാള സിനിമയിലേക്ക് നടിക്ക് ക്ഷണം ലഭിച്ചു. ജയസൂര്യയുടെ കത്തനാരിൽ അഭിനയിക്കാൻ താരം തയ്യാറാക്കുകയും ചെയ്തു. ഇക്കഴിഞ്ഞ ദിവസമായിരുന്നു നടി ടീമിനൊപ്പം ചേർന്നത്. മോളിവുഡ് സിനിമ ലോകത്തേക്ക് വലിയ സ്‌നേഹത്തോടെയായിരുന്ന നിർമ്മാതാക്കൾ സ്വാഗതം ചെയ്തത്.
ഹോം സിനിമയ്ക്ക് ശേഷം റോജിൻ തോമസ് സംവിധാനം ചെയ്യുന്ന കത്തനാർ 75 കോടി രൂപയ്ക്കാണ് നിർമ്മിക്കുന്നത്.45,000 ചതുരശ്ര അടിയിലെ സ്റ്റുഡിയോ ഫ്‌ലോർ സിനിമയ്ക്കായി ഒരുക്കിയിരുന്നു. മലയാളത്തിലേക്ക് അനുഷ്‌ക ഷെട്ടി എത്തുമ്പോൾ നടി വാങ്ങുന്ന പ്രതിഫലം എത്രയാണെന്ന് അറിയുവാനുള്ള ആകാംക്ഷയും ആരാധകർക്കിടയിൽ ഉയരുന്നു.
ബാഹുബലി സിനിമകൾക്കു ശേഷം അനുഷ്‌ക ഷെട്ടി കുറഞ്ഞത് അഞ്ചു കോടിക്ക് മുകളിൽ വാങ്ങുമായിരുന്നു. സിനിമ ലോകത്ത് 17 വർഷത്തോളമായി നടി സജീവമാണ്. താരത്തിന്റെ ഒടുവിൽ റിലീസായ 'മിസ് ഷെട്ടി, മിസ്റ്റർ പൊളി ഷെട്ടി'എന്ന ചിത്രത്തിന് ആറ് കോടി രൂപയായിരുന്നു പ്രതിഫലം. ബാഹുബലിക്ക് മുമ്പ് മൂന്ന് കോടി രൂപയായിരുന്നു പ്രതിഫലമായി താരം വാങ്ങിയിരുന്നത്.
മൂന്നുവർഷം സിനിമയിൽ നിന്നും വിട്ടുനിന്ന ശേഷം 2020 റിലീസായ നിശബ്ദം എന്ന സിനിമയ്ക്ക് പോലും താരത്തിന്റെ പ്രതിഫലം കുറഞ്ഞില്ല.
ഗോകുലം ഗോപാലന്റെ നിർമാണത്തിൽ തയ്യാറാവുന്ന 'കത്തനാർ'ൽ അനുഷ്‌കയുടെ വേഷത്തെപ്പറ്റിയോ പ്രതിഫലത്തെ കുറിച്ചുള്ള വിവരങ്ങൾ ഒന്നും പുറത്തുവന്നിട്ടില്ല. ഇതിനോടകം മൂന്ന് ഷെഡ്യൂൾ പൂർത്തിയായി.