സ്‌നേഹ ബന്ധങ്ങൾക്കോ സുഹൃദ് ബന്ധങ്ങൾക്കോ നടി കീർത്തി സുരേഷ് ജാതിയോ മതമോ നോക്കാറില്ലെന്ന് സംവിധായകൻ ആലപ്പി അഷറഫ്. അത് തനിക്ക് നന്നായി അറിയാമെന്നും നിങ്ങൾക്കും താമസിയാതെ ബോധ്യപ്പെടുമെന്നും ആലപ്പി അഷറഫ് പറഞ്ഞു. ആലപ്പി അഷ്‌റഫ് നൽകുന്നത് കീർത്തി സുരേഷിന്റെ വിവാഹ സൂചന ആണോ എന്ന് ആരാധകർ.
കീർത്തിയുടെ വിവാഹത്തെക്കുറിച്ചാണ് ആലപ്പി അഷറഫ് പരോക്ഷമായി സൂചിപ്പിച്ചതെന്ന് സോഷ്യൽ മീഡിയയിൽ ആരാധകർ പറയുന്നു. വിവാഹ സൂചന അവസാന ഭാഗത്ത് വരുന്നുണ്ടല്ലോ എന്ന കമന്റിന് ആലപ്പി അഷറഫ് ലൈക്കും ചെയ്തിട്ടുണ്ട്. ഇതോടെ, സ്വന്തം ജാതിയിൽ നിന്നോ മതത്തിൽ നിന്നോ അല്ലാത്ത ഒരാളുമായി കീർത്തി സുരേഷിന്റെ വിവാഹം അടുത്ത് തന്നെ ഉണ്ടാകുമെന്നാണ് സോഷ്യൽ മീഡിയയുടെ കണ്ടെത്തൽ.
താൻ സിംഗിൾ ആണെന്ന് ഒരിക്കലും പറഞ്ഞിട്ടില്ലെന്ന് അടുത്തിടെ ഒരു അഭിമുഖത്തിൽ കീർത്തി സുരേഷ് പറഞ്ഞിരുന്നു. പങ്കാളിക്കൊപ്പം സൗഹൃദമാണ് താൻ ആഗ്രഹിക്കുന്നതെന്നും കീർത്തി സുരേഷ് അഭിമുഖത്തിൽ പറഞ്ഞു. സുഹൃത്തിനൊപ്പം പങ്കുവെച്ച ഫോട്ടോ ഏറെ ചർച്ചകൾക്ക് വഴി തെളിച്ചിരുന്നു. കാമുകനാണെന്ന് പ്രചാരണം വന്നപ്പോൾ കീർത്തിയുടെ അച്ഛൻ സുരേഷ് കുമാർ ഇത് നിഷേധിച്ച് രംഗത്ത് വന്നിരുന്നു.
