കൊവിഡ് സ്ഥിരീകരിച്ചതിനെ തുടർന്ന് ബോളിവുഡ് താരങ്ങളായ കരീന കപൂറിൻ്റെയും അമൃത അറോറയുടേയും വീട്ടിൽ മുംബൈ കോർപ്പറേഷൻ കൊവിഡ് പരിശൊധന നടത്തും. ബംഗ്ലാവുകളിൽ സമ്പർക്കത്തിൽ വന്ന എല്ലാവരെയും പരിശൊധിക്കും. കൊവിഡ് സ്ഥിരീകരിച്ചതിനെ തുടർന്ന് കഴിഞ്ഞ ദിവസം ഇരുവരുടെയും വസതികൾ മുംബൈ കോർപ്പറേഷൻ സീൽ ചെയ്‌തിരുന്നു.
ഇന്നലെയാണ് രണ്ട് താരങ്ങൾക്കും കൊവിഡ് സ്ഥിരീകരിച്ചത്. അതേസമയം സമ്പർക്കത്തിൽ വന്നവരെ കുറിച്ചുള്ള വിവരങ്ങൾ നടിമാർ നൽകുന്നില്ലെന്ന് കോർപ്പറേഷൻ പറഞ്ഞു. കൊവിഡ് ചട്ടം ലംഘിച്ച് നിരവധി പാർട്ടികളിൽ കരീന പങ്കെടുത്തിരുന്നുവെന്നാണ് കോർപ്പറേഷൻ ആരോപിച്ചിരുന്നു. അതിനാൽ തന്നെ കരീനയിൽ നിന്ന് കൂടുതൽ പേരിലേക്ക് കൊവിഡ് പകർന്നിരിക്കുമോ എന്ന ആശങ്കയിലാണ് കോർപ്പറേഷൻ.
കരീനയും അമൃതയും അടുത്ത സുഹൃത്തുക്കളാണ്. ഇവര്‍ പലപ്പോഴും ഒരുമിച്ച് പാര്‍ട്ടികള്‍ നടത്താറുമുണ്ട്. ഇവരുമായി സമ്പര്‍ക്കം പുലര്‍ത്തിയ ആളുകള്‍ ആര്‍ടിപിസിആര്‍ പരിശോധന നടത്തണമെന്ന് മുംബൈ മുന്‍സിപ്പല്‍ കോര്‍പ്പറേഷന്‍ ആവശ്യപ്പെട്ടിരുന്നു.
