ദീപാവലി റിലീസായി എത്തിയ ചിത്രങ്ങളില്‍ മികച്ച നേട്ടമുണ്ടാക്കി ഹൊറര്‍ കോമഡി സിനിമയായ ഭൂല്‍ ഭുലയ്യ3. റിലീസ് ചെയ്ത് 10 ദിവസം പിന്നിടുമ്പോള്‍ 300 കോടി രൂപയാണ് സിനിമ ബോക്‌സോഫീസില്‍ നിന്നും സ്വന്തമാക്കിയത്. ആഭ്യന്തര ബോക്‌സോഫീസില്‍ നിന്ന് സിനിമ 200 കോടി രൂപ സ്വന്തമാക്കി കഴിഞ്ഞു. കഴിഞ്ഞ ദിവസങ്ങളില്‍ മാത്രം സിനിമ 16.5 കോടി രൂപയാണ് സിനിമ കളക്റ്റ് ചെയ്ത്.
സമീപകാലത്തായി വലിയ ഹിറ്റ് സിനിമകളൊന്നും തന്നെ ബോളിവുഡില്‍ സംഭവിച്ചിരുന്നില്ല. എന്നാല്‍ അടുത്തിടെ പുറത്തിറങ്ങിയ ഹൊറര്‍ കോമഡി സിനിമയായ സ്ത്രീ 2 ബോക്‌സോഫീസ് റെക്കോര്‍ഡുകള്‍ തകര്‍ത്തെറിഞ്ഞ് ബോളിവുഡിലെ ഈ വര്‍ഷത്തെ ഏറ്റവും വലിയ ഹിറ്റ് സിനിമയായിരുന്നു. ഈ ട്രാക്കിലൂടെയാണ് ഭൂല്‍ ഭുലയ്യയും പോകുന്നത്. അനീസ് ബസ്മി സംവിധാനം ചെയ്ത സിനിമയില്‍ കാര്‍ത്തിക് ആര്യനാണ് കേന്ദ്ര കഥാപാത്രത്തെ അവതരിപ്പിക്കുന്നത്. കാര്‍ത്തിക്കിനും വിദ്യാബാലനും പുറമെ മാധുരി ദീക്ഷിത്ത്. തൃപ്തി ദിമ്രി,സഞ്ജയ് മിശ്ര, വിജയ് റാസ് എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
