കുറുപ്പ് നവംബര് 12നാണ് റിലീസ് ചെയ്തത്. കേരളത്തിലെ തിയേറ്ററുകളിലും മള്‍ട്ടിപ്ലക്‌സുകളിലുമായി 505 സ്‌ക്രീനുകളിലാണ് പ്രദര്‍ശനത്തിനെത്തിയത്. രണ്ടായിരത്തിലേറെ ഷോ ആദ്യ ദിനം മാത്രം. ഒറ്റ ദിവസം കൊണ്ടു തന്നെ ആറ് കോടി കളക്ഷന്‍ കേരളത്തില്‍ നിന്ന് മാത്രം ലഭിച്ചു. ഇപ്പോഴിതാ റിലീസ് ചെയ്ത് നാല് ദിവസത്തിനുള്ളില്‍ 50 കോടി ക്ലബ്ബില്‍ സിനിമ എത്തി.എനിക്കത് ഉള്‍ക്കൊള്ളാന്‍ പോലും കഴിയുന്നില്ലെന്നാണ് ദുല്‍ഖര്‍ പറഞ്ഞത്.
ഇത് എന്റെ മാത്രം വിജയമല്ലെന്നും ഇത് എല്ലാവരുടെയും വിജയമാണെന്നും ഇനിയും കൂടുതല്‍ സിനിമകള്‍ തിയേറ്ററുകളില്‍ എത്തിക്കാം എന്നും ദുല്‍ഖര്‍ പറയുന്നു.
ദുല്‍ഖറിന്റെ വാക്കുകളിലേക്ക്
വൗ ഇത് വളരെ വലുതാണ് ! എനിക്കത് ഉള്‍ക്കൊള്ളാന്‍ പോലും കഴിയുന്നില്ല. ഉറക്കമില്ലാത്ത രാത്രികള്‍, അനിശ്ചിതത്വത്തിന്റെയും സ്വയം സംശയത്തിന്റെയും എണ്ണമറ്റ നിമിഷങ്ങള്‍, സമ്മര്‍ദ്ദവും എല്ലാം ഫലം കണ്ടു. ഞങ്ങള്‍ തുടങ്ങുമ്പോള്‍, സിനിമയ്ക്ക് ഞങ്ങളുടെ ഏറ്റവും മികച്ചത് നല്‍കാനും നിങ്ങള്‍ക്കെല്ലാവര്‍ക്കും ഇത് ഇഷ്ടപ്പെടണമെന്ന് പ്രാര്‍ത്ഥിക്കാനും ഞങ്ങള്‍ ആഗ്രഹിച്ചു. നിങ്ങളോടെല്ലാം എനിക്കുള്ള നന്ദി എങ്ങനെ വാക്കുകളില്‍ വിവരിക്കണമെന്ന് എനിക്കറിയില്ല.
ഞങ്ങളെ തുറന്ന കൈകളോടെ സ്വീകരിച്ചതിന് നന്ദി. തിയേറ്ററുകളില്‍ തിരിച്ചെത്തിയതിന് നന്ദി. ഞങ്ങള്‍ക്ക് ഇത്രയും സ്‌നേഹം തന്നതിന് നന്ദി. ഇത് എന്റേതോ എന്റെയോ ജയം മാത്രമല്ല. ഇത് എല്ലാവരുടെയും വിജയമാണ്. ഇനിയും കൂടുതല്‍ സിനിമകള്‍ തിയേറ്ററുകളില്‍ എത്തിക്കാം. നമുക്ക് സാധാരണ നിലയിലേക്ക് മടങ്ങാം. എന്റെ ഹൃദയത്തിന്റെ അടിത്തട്ടില്‍ നിന്ന് നിങ്ങള്‍ ഓരോരുത്തര്‍ക്കും ഒരുപാട് സ്‌നേഹവും നന്ദിയും അയയ്ക്കുന്നു.
