ആസിഫ് അലി, സണ്ണി വെയ്ന്‍, ഷറഫുദ്ദീന്‍ എന്നിവര്‍ പ്രധാന വേഷങ്ങളിലെത്തുന്ന കുറ്റവും ശിക്ഷയും ജോലികളെല്ലാം തീര്‍ത്ത് റിലീസിനൊരുങ്ങിട്ട് മാസങ്ങളായി. നേരത്തെ തന്നെ ട്രെയിലര്‍ നിര്‍മാതാക്കള്‍ പുറത്തിറക്കിയിരുന്നു.രാജീവ് രവി സംവിധാനം ചെയ്ത സിനിമയുടെ റിലീസ് ഒടുവില്‍ പ്രഖ്യാപിച്ചു. മെയ് 27ന് ചിത്രം തിയേറ്ററുകളിലെത്തും.
പൊലീസ് ഇന്‍വെസ്റ്റിഗേഷന്‍ ത്രില്ലറായിരിക്കും സിനിമയെന്ന സൂചന ട്രെയിലര്‍ നല്‍കുന്നു.
നേരത്തെ തീയറ്ററില്‍ റിലീസ് പ്രഖ്യാപിച്ച ചിത്രം കോവിഡ് വ്യാപനത്തെ തുടര്‍ന്ന് റിലീസ് നീളുകയായിരുന്നു. ലോക്ക് ഡൗണിന് ശേഷം രാജസ്ഥാനിലായിരുന്നു ചിത്രീകരണം പൂര്‍ത്തിയാക്കിയത്. അലന്‍സിയര്‍ ലെ ലോപ്പസ്, സെന്തില്‍ കൃഷ്ണ എന്നിവരാണ് മറ്റ് പ്രധാന വേഷങ്ങളില്‍ എത്തുന്നത്.
