ആന്ധ്രാപ്രദേശിലും തെലങ്കാനയിലും ഒക്ടോബര് 20 വരെ ലിയോ പ്രദര്‍ശനം നിര്‍ത്തിവയ്ക്കണമെന്ന് കാണിച്ച് നിര്‍മ്മാതാവ് നാഗ വാസ്മി ഹര്‍ജി നല്‍കിയതോടെയാണ് തെലുങ്ക് നാടുകളില്‍ റിലീസിന് പ്രശ്നങ്ങള്‍ നേരിട്ടു.
ഇപ്പോള്‍ കേസ് തീര്‍പ്പായി. നേരത്തെ തീരുമാനിച്ച പ്രകാരം 'ലിയോ' ഒക്ടോബര് 19 ന് ആന്ധ്രാപ്രദേശിലും തെലങ്കാനയിലും റിലീസ് ചെയ്യും.നിര്‍മ്മാതാവ് കോടതിക്ക് പുറത്ത് ഒത്തുതീര്‍പ്പിന് സമ്മതിച്ചു എന്നാണ് റിപ്പോര്‍ട്ടുകള്‍. 'ലിയോ' പേരിനെ ചൊല്ലിയായിരുന്നു തര്‍ക്കങ്ങള്‍.
ലോകേഷ് കനകരാജ് സംവിധാനം ചെയ്ത 'ലിയോ' ലോകേഷ് സിനിമാറ്റിക് യൂണിവേഴ്സിന്റെ ഭാഗമാണ്. ചിത്രത്തില്‍ വിജയ്, തൃഷ, അര്‍ജുന്‍, സഞ്ജയ് ദത്ത്, ഗൗതം മേനോന്‍, പ്രിയ ആനന്ദ്, മിഷ്‌കിന്‍, മന്‍സൂര്‍ അലി ഖാന്‍, മാത്യു തോമസ്, സാന്‍ഡി, അനുരാഗ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു. അനിരുദ്ധ് രവിചന്ദറാണ് സംഗീത സംവിധാനം നിര്‍വ്വഹിച്ചിരിക്കുന്നത്, തമിഴ്, തെലുങ്ക്, ഹിന്ദി, മലയാളം, കന്നഡ ഭാഷകളില്‍ ചിത്രം ഒക്ടോബര് 19 ന് ലോകമെമ്പാടും റിലീസ് ചെയ്യും.
