Lokah - Chapter 1 - Chandra Teaser: 'ചന്ദ്ര ശരിക്കും സൂപ്പര്‍ ഹീറോയാണോ'; ഞെട്ടിക്കാന്‍ കല്യാണി
ഓണം റിലീസ് ആയി ലോകഃ തിയറ്ററുകളിലെത്തും
Lokah Teaser: ദുല്‍ഖര്‍ സല്‍മാന്റെ വേഫറര്‍ ഫിലിംസ് നിര്‍മിക്കുന്ന ഏഴാമത്തെ ചിത്രമായ ലോകഃ - ചാപ്റ്റര്‍ 1 - ചന്ദ്രയുടെ ടീസര്‍ പുറത്തിറക്കി. നാല് ഭാഗങ്ങളുള്ള ഒരു സൂപ്പര്‍ഹീറോ സിനിമാറ്റിക് യൂണിവേഴ്സ് ആയാണ് 'ലോകഃ' എത്തുന്നത്. ആദ്യ ഭാഗമായ 'ചന്ദ്ര'യില്‍ ചന്ദ്ര എന്ന സൂപ്പര്‍ ഹീറോ വേഷം ചെയ്തിരിക്കുന്നത് കല്യാണി പ്രിയദര്‍ശന്‍ ആണ്.
ഓണം റിലീസ് ആയി ലോകഃ തിയറ്ററുകളിലെത്തും. നസ്ലന്‍ ആണ് മറ്റൊരു പ്രധാന വേഷം അവതരിപ്പിച്ചിരിക്കുന്നത്. ഒരു മണിക്കൂറിലേറെ ദൈര്‍ഘ്യമുള്ള ടീസര്‍ പ്രൊഡക്ഷന്‍ ക്വാളിറ്റി കൊണ്ട് മലയാളികളെ അതിശയിപ്പിക്കുന്നതാണ്.
ഡൊമിനിക് അരുണ്‍ ആണ് ചിത്രത്തിന്റെ രചനയും സംവിധാനവും. നിമിഷ് രവിയാണ് ഛായാഗ്രഹണം. സംഗീതം ജേക്സ് ബിജോയ്. കാമിയോ വേഷങ്ങളില്‍ ടൊവിനോ തോമസ്, ദുല്‍ഖര്‍ സല്‍മാന്‍ എന്നിവര്‍ എത്തുന്നു. ചന്ദു സലിം കുമാര്‍, അരുണ്‍ കുര്യന്‍, ശാന്തി ബാലചന്ദ്രന്‍ എന്നിവരും നിര്‍ണായക വേഷങ്ങള്‍ അവതരിപ്പിച്ചിരിക്കുന്നു.
