നാഗചൈതന്യ - സായ് പല്ലവി ചിത്രം ലൗവ് സ്റ്റോറിയ്ക്ക് മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. കോവിഡ് രണ്ടാം തരംഗത്തിന് ശേഷം തിയറ്ററുകളിലെത്തിയ ചിത്രത്തിന് വന്‍ വരവേല്‍പ്പാണ് ലഭിച്ചത്. ആദ്യദിനം തന്നെ 10 കോടി രൂപ നേടാന്‍ സിനിമയ്ക്കായി.
30 കോടി മുതല്‍ മുടക്കില്‍ നിര്‍മ്മിച്ച ചിത്രത്തിന് അഞ്ച് ദിവസം കൊണ്ട് മാത്രം 50 കോടി ക്ലബ്ബില്‍ എത്താനായി.
ലൗവ് സ്റ്റോറിയുടെ വിജയം തെലുങ്ക് സിനിമാ ലോകത്തിന് പുതിയ പ്രതീക്ഷകളാണ് നല്‍കുന്നത്.ഒടിടി പ്ലാറ്റ്ഫോമുകളില്‍ നല്ല ഓഫറുകള്‍ ലഭിച്ചിട്ടും തിയേറ്ററുകളില്‍ തന്നെ ചിത്രം എത്തിക്കുകയായിരുന്നു നിര്‍മ്മാതാക്കള്‍.
രേവന്തായി നാഗചൈത്യയും മൗനികയായി സായ് പല്ലവിയും വേഷമിടുന്നു. പ്രണയത്തിനും ഹാസ്യത്തിനും ഒരുപോലെ പ്രാധാന്യം നല്‍കുന്നതാണ് ചിത്രം. കുട്ടികള്‍ക്കെതിരെയുള്ള അതിക്രമങ്ങളും ജാതീയതയും കുറിച്ചും സിനിമ പറയുന്നുണ്ട്.സായി പല്ലവിയുടെ മനോഹരമായ സൂംബ നൃത്തച്ചുവടുക ലൗ സ്റ്റോറിയുടെ മറ്റൊരു ആകര്‍ഷണം.
ഫിദ എന്ന ചിത്രത്തിനുശേഷം സായി പല്ലവിയുടെ കൂടെ സംവിധായകന്‍ ശേഖര്‍ കമൂല ഒന്നിക്കുന്ന ചിത്രം കൂടിയാണിത്.പോസാനി കൃഷ്ണ മുരളി, റാവോ രമേഷ്, ഈശ്വരി റാവു, ദേവയാനി, രാജീവ് കനകാലാ, സത്യം രാജേഷ് എന്നിവരാണ് മറ്റു പ്രധാന വേഷങ്ങളിലെത്തുന്നത്.
