മധുരം റിലീസിന് ഒരുങ്ങുകയാണ്. ഇക്കഴിഞ്ഞ ദിവസം പുറത്തുവന്ന ട്രെയിലറിന് മികച്ച പ്രതികരണമാണ് ലഭിച്ചത്. ജൂണിനു ശേഷം സംവിധായകന്‍ അഹമ്മദ് കബീറിനൊപ്പം ജോജുജോര്‍ജും അര്‍ജുന്‍ അശോകനും ഒന്നിക്കുന്ന ചിത്രത്തില്‍ ഇന്ദ്രന്‍സും ശ്രദ്ധേയമായ വേഷത്തിലെത്തുന്നുണ്ട്.
സിനിമയിലെ ആദ്യത്തെ ക്യാരക്ടര്‍ പോസ്റ്റര്‍ പുറത്തുവന്നു.
'ഇന്ദ്രന്‍സ് ചേട്ടന്‍ രവിയായി.എന്റെ ഭാഗ്യമാണ് അദ്ദേഹം എന്റെ സിനിമയില്‍ അഭിനയിച്ചത്. എന്തു നല്ല നടനാണ്. മഹത്തായ മനുഷ്യനും. നന്ദി ഇന്ദ്രന്‍സ് ചേട്ടാ'-അഹമ്മദ് കബീര്‍ കുറിച്ചു.
സോണി ലിവ്വില്‍ സ്ട്രീമിംഗ് അടുത്തുതന്നെ തുടങ്ങും.ക്ലീന്‍ യു സര്‍ട്ടിഫിക്കറ്റാണ് ചിത്രത്തിന് ലഭിച്ചിരിക്കുന്നത്.ശ്രുതി രാമചന്ദ്രന്‍ ,
അര്‍ജുന്‍ അശോകന്‍, നിഖില വിമല്‍, ഇന്ദ്രന്‍സ്, ജാഫര്‍ ഇടുക്കി, മാളവിക, ബാബു ജോസ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നത്. ആഷിഖ് അമീര്‍, ഫാഹിം സഫര്‍ എന്നിവര്‍ ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്.
