ടോവിനോ തോമസ്, റിമ കല്ലിങ്കല്‍, റോഷന്‍ മാത്യു, ഷൈന്‍ ടോം ചാക്കോ എന്നിവരെ പ്രധാന കഥാപാത്രങ്ങളാക്കി ആഷിഖ് അബു സംവിധാനം ചെയ്യ്ത 'നീലവെളിച്ചം' ഏപ്രില്‍ 20 ന് തിയേറ്ററുകളിലെത്തും.
മുന്‍കൂര്‍ അനുമതിയില്ലാതെ തന്റെ ഗാനങ്ങള്‍ ഉപയോഗിച്ചതിന് ആഷിഖ് അബുവിനും സംഗീതജ്ഞന്‍ ബിജിബാലിനും എംഎസ് ബാബുരാജിന്റെ കുടുംബം വക്കീല്‍ നോട്ടീസ് നല്‍കിയതായി റിപ്പോര്‍ട്ട്.
'ഭാര്‍ഗവി നിലയ'ത്തിന്റെ റീമേക്ക് കൂടിയാണ് വരാനിരിക്കുന്ന ചിത്രം. ഒറിജിനല്‍ പതിപ്പില്‍ പി ഭാസ്‌കരന്റെ വരികള്‍ക്ക് എം എസ് ബാബുരാജ് ആണ് സംഗീതം നല്‍കിയിരുന്നത്.
എം.എസ്.ബാബുരാജിന്റെ മകള്‍ മന്ത്രി സജി ചെറിയാന് പരാതി നല്‍കിയതായാണ് റിപ്പോര്‍ട്ട്. എം എസ് ബാബുരാജിന്റെ ഗാനങ്ങള്‍ മുന്‍കൂര്‍ അനുമതിയില്ലാതെ ഉപയോഗിച്ചതിന് സംവിധായകന്‍ ആഷിഖ് അബുവിനും സംഗീതസംവിധായകന്‍ ബിജിബാലിനും വക്കീല്‍ നോട്ടീസ് അയച്ചു.
