മമ്മൂട്ടിയുടെ പുതിയ ചിത്രം - വണ്‍ (One) !

ചൊവ്വ, 21 മെയ് 2019 (21:15 IST)
മമ്മൂട്ടി നായകനാകുന്ന പുതിയ ചിത്രത്തിന് ‘വണ്‍’ എന്ന് പേരിട്ടു. ഒരു പൊളിറ്റിക്കല്‍ ത്രില്ലറായ സിനിമ സംവിധാനം ചെയ്യുന്നത് സന്തോഷ് വിശ്വനാഥ് ആണ്. ‘ചിറകൊടിഞ്ഞ കിനാവുകള്‍’ എന ചിത്രത്തിന്‍റെ സംവിധായകനാണ് സന്തോഷ് വിശ്വനാഥ്.
 
സഞ്ജയ് - ബോബി ടീമാണ് വണ്ണിന് തിരക്കഥ രചിക്കുന്നത്. മമ്മൂട്ടി കേരളത്തിന്‍റെ മുഖ്യമന്ത്രിയായി അഭിനയിക്കുന്ന സിനിമ നിര്‍മ്മിക്കുന്നത് ഇച്ചായീസ് പ്രൊഡക്ഷന്‍സ് ആണ്.
 
ശ്രീനിവാസന്‍, രണ്‍ജി പണിക്കര്‍, വിഷ്ണു ഉണ്ണികൃഷ്ണന്‍ എന്നിവര്‍ ഈ സിനിമയില്‍ പ്രധാന കഥാപാത്രങ്ങളെ അവതരിപ്പിക്കുന്നു. സഞ്ജയ് - ബോബി ടീം ആദ്യമായാണ് ഒരു മമ്മൂട്ടി ചിത്രത്തിന് രചന നിര്‍വഹിക്കുന്നത്. 
 
അതേസമയം, മമ്മൂട്ടി നായകനാകുന്ന ‘ഉണ്ട’ പ്രദര്‍ശനത്തിന് തയ്യാറായി. മാമാങ്കം, ഗാനഗന്ധര്‍വ്വന്‍, ബിലാല്‍, അമീര്‍ എന്നീ മമ്മൂട്ടിച്ചിത്രങ്ങള്‍ അവയുടെ നിര്‍മ്മാണത്തിന്‍റെ വിവിധ ഘട്ടങ്ങളിലാണ് ഇപ്പോള്‍. 

വെബ്ദുനിയ വായിക്കുക

അടുത്ത ലേഖനം ‘അപ്പോൾ കാലു മാറരുത്’- പൃഥ്വിരാജിനെ ട്രോളി ഒമർ ലുലു !