മോഹൻലാലിനെ കുറിച്ച് മമ്മൂട്ടി സംസാരിക്കുന്ന വീഡിയോയാണ് ഇപ്പോൾ സോഷ്യൽ മീഡിയയിൽ വൈറൽ. ഏറെ നാളുകൾക്ക് മുൻപ് ഒരു പ്രമുഖ ചാനലിന് നൽകിയ അഭിമുഖത്തിൽ സംവിധായകൻ രഞ്ജിത്തിനോടാണ് മമ്മൂട്ടി മോഹൻലാലുമായുള്ള സൗഹൃദത്തെ പറ്റി സംസാരിച്ചത്. ഇതാണിപ്പോൾ വൈറലായിരിക്കുന്നത്.
മമ്മൂട്ടിയുടെ വാക്കുകൾ
പടയോട്ടത്തിന്റെ ഷൂട്ടിംഗ് ലൊക്കേഷനിൽ കഥ വന്നപ്പോഴാണ് ലാലിനെ കാണുന്നത്. അതിന് ശേഷമാണ് ഞാനും ലാലും പരിചയപ്പെടുന്നത്. പിന്നീട് ആ സൗഹൃദം വളർന്നു.ഒരുപാട് സിനിമകളിൽ ഒന്നിച്ച് അഭിനയിക്കാൻ പറ്റി. ഏകദേശം പത്ത് അറുപത് സിനിമകളില്‍ ഒന്നിച്ച് അഭിനയിച്ചു. നായകനും വില്ലനും, നായകന്മാരായിട്ടും ഞാൻ അന്ന് ലാലിനെ പറ്റി പറഞ്ഞ ഒരു കാര്യമുണ്ട്.അടൂര്‍ ഭാസിക്ക് തിക്കുറിശ്ശിയില്‍ ഉണ്ടായ മകനാണ് ലാലെന്ന്. ഈ രണ്ടുപേരുടേയും ഗുണങ്ങള്‍ ഉണ്ട്. ഇന്ന് ലാൽ ഒരുപാട് വളർന്നു. ഇപ്പോളത്തെ മോഹൻലാലായി.
അങ്ങോട്ടും ഇങ്ങോട്ടും കണ്ടുകൊണ്ടാണ് ഞങ്ങൾ രണ്ടുപേരുടേയും വളർച്ച.എന്റെ സിനിമകൾ ഞാൻ കണ്ടതിനേക്കാളേറെ ഞാൻ ലാലിന്റെ സിനിമകൾ കണ്ടുകാണും.ലാലിന്റെ സിനിമയെ കുറിച്ച് ചർച്ചകൾ ചെയ്യാറ്ണ്ട്, അങ്ങനെ രണ്ട് താരങ്ങളായി.അവാര്‍ഡ് കിട്ടുമ്പോ ഒരു കൊല്ലം ഒരാള്‍ക്ക് കിട്ടും അടുത്ത കൊല്ലം അടുത്താള്‍ക്ക്. മമ്മൂട്ടി പറഞ്ഞു.
