Mammootty at Haripad: മമ്മൂട്ടിയെ കാണാന്‍ ആയിരങ്ങള്‍ തടിച്ചുകൂടിയപ്പോള്‍ റോഡ് ബ്ലോക്കായി; മൊഞ്ചനായി മെഗാസ്റ്റാര്‍ (ചിത്രങ്ങള്‍, വീഡിയോ)
മമ്മൂട്ടിയെ കാണാന്‍ സ്ത്രീകളും കുട്ടികളും അടക്കം വലിയൊരു ജനാവലി ഒഴുകിയെത്തിയപ്പോള്‍ റോഡ് ബ്ലോക്കായി
Mammootty at Haripad: മെഗാസ്റ്റാര്‍ മമ്മൂട്ടിയെ നേരില്‍ കാണാന്‍ ഹരിപ്പാട് തടിച്ചുകൂടിയത് ആയിരങ്ങള്‍. വെഡ് ലാന്‍ഡിന്റെ പുതിയ ഷോറൂം ഉദ്ഘാടനം ചെയ്യാനാണ് മമ്മൂട്ടി എത്തിയത്. മമ്മൂട്ടി വരുന്ന വിവരം അറിഞ്ഞ് ഹരിപ്പാടിന് പുറത്തുനിന്നും നൂറുകണക്കിനു ആളുകള്‍ എത്തിച്ചേര്‍ന്നു. ആലപ്പുഴ എംപി എ.എം.ആരിഫ്, ഹരിപ്പാട് എംഎല്‍എ രമേശ് ചെന്നിത്തല എന്നിവരും ചടങ്ങില്‍ പങ്കെടുത്തു.
മമ്മൂട്ടിയെ കാണാന്‍ സ്ത്രീകളും കുട്ടികളും അടക്കം വലിയൊരു ജനാവലി ഒഴുകിയെത്തിയപ്പോള്‍ റോഡ് ബ്ലോക്കായി. ഒടുവില്‍ യാത്രക്കാരുടെ ബുദ്ധിമുട്ട് മനസ്സിലാക്കിയ മമ്മൂട്ടി ഷോറൂം ഉദ്ഘാടനം കഴിഞ്ഞ് താന്‍ വേഗം പോകുമെന്ന് ആരാധകരോട് പറഞ്ഞു.
'നമ്മള്‍ ഇത്രയും നേരം ഈ റോഡ് ബ്ലോക്ക് ആക്കി നിര്‍ത്തിയിരിക്കുകയാണ്. എത്രയും വേഗം ഈ പരിപാടി തീര്‍ത്തുപോയാലെ അത്യാവശ്യക്കാര്‍ക്ക് പോകാന്‍ കഴിയൂ. നമ്മള്‍ സന്തോഷിക്കുവാണ്. പക്ഷേ അവര്‍ക്ക് ഒരുപാട് അത്യാവശ്യം കാണും. ഞാന്‍ ഈ പരിപാടി നടത്തി വേഗം പോകും. നമുക്ക് വീണ്ടും കാണാം.' മമ്മൂട്ടി പറഞ്ഞു.
വെള്ള ഷര്‍ട്ടും ജീന്‍സ് പാന്റുമായിരുന്നു മമ്മൂട്ടി ധരിച്ചിരുന്നത്. കൂളിങ് ഗ്ലാസ് വെച്ച് സ്റ്റൈലിഷ് ലുക്കിലാണ് മമ്മൂട്ടി ഹരിപ്പാട് എത്തിയത്. വലിയ ആവേശത്തോടെയാണ് മമ്മൂട്ടിയെ ആരാധകര്‍ സ്വീകരിച്ചത്.
