ദേവദൂതനില്‍ മോഹന്‍ലാലിനെ അഭിനയിക്കുന്നതില്‍ തനിക്ക് താല്‍പര്യമില്ലായിരുന്നുവെന്ന് സിബി മലയില്‍. നവോദയയ്ക്ക് വേണ്ടിയായിരുന്നു ദേവദൂതന്‍ എന്ന സിനിമ ആദ്യം തീരുമാനിച്ചത്. ഒരു ഏഴ് വയസ്സുള്ള കുട്ടിയുടെ കാഴ്ച്ചപ്പാടിലൂടെ സിനിമ അവതരിപ്പിക്കാനാണ് ഉദ്ദേശിച്ചത്. ആ കഥാപാത്രമാണ് പിന്നീട് മോഹന്‍ലാല്‍ ചെയ്തതെന്നും സിബി മലയില്‍ പറഞ്ഞു.
'കാസ്റ്റിംഗിന്റെ ഘട്ടത്തില്‍ മോഹന്‍ലാല്‍ യാദൃശ്ചികമായി ഈ കഥ കേള്‍ക്കുകയായിരുന്നു. ഉടനെ തന്നെ ഇത് ഞാന്‍ ചെയ്യാമെന്ന് അദ്ദേഹം ഇങ്ങോട്ട് പറഞ്ഞു. എനിക്ക് അതിനോട് താല്‍പര്യമില്ലായിരുന്നു. തുടര്‍ന്ന് മുന്‍പ് നിശ്ചയിച്ച കഥ മാറ്റിയാണ് ദേവദൂതന്‍ ചിത്രീകരിച്ചത്,' സിബി മലയില്‍ പറഞ്ഞു.
