Webdunia - Bharat's app for daily news and videos

Install App

സ്‌ക്രീനില്‍ ഞാന്‍ എന്നെ തന്നെ കണ്ടുപോയി, ആടുജീവിതത്തിലെ പൃഥ്വിരാജിന്റെ പ്രകടനത്തില്‍ വികാരാധീനനായി നജീബ്

അഭിറാം മനോഹർ
ചൊവ്വ, 19 മാര്‍ച്ച് 2024 (14:10 IST)
Najeeb,Prithviraj,Aadujeevitham
പൃഥ്വിരാജ് നായകനായുള്ള ആടുജീവിതം എന്ന സിനിമയുടെ റിലീസിനായി കാത്തിരിക്കുകയാണ് രാജ്യമാകെയുള്ള സിനിമാപ്രേമികള്‍. ബെന്യാമിന്റെ ആടുജീവിതം എന്ന നോവലിലൂടെ മലയാളികള്‍ക്കെല്ലാം പരിചിതമായ കഥയാണ് സിനിമ പറയാന്‍ പോകുന്നത്. നോവലിലെ നജീബിന്റെ ജീവിതം സ്‌ക്രീനില്‍ എങ്ങനെ പകര്‍ത്തിയെന്ന് കാണാനുള്ള ആകാംക്ഷയിലാണ് പ്രേക്ഷകര്‍. അതിനിടെ സിനിമയിലെ പൃഥ്വിരാജിന്റെ പ്രകടനം കണ്ട് പ്രതികരിച്ചിരിക്കുകയാണ് യഥാര്‍ഥ ജീവിതത്തിലെ നജീബ്.
 
സിനിമ പുറത്തിറങ്ങുന്ന സാഹചര്യത്തില്‍ വിവിധ മാധ്യമങ്ങള്‍ നടത്തിയ അഭിമുഖങ്ങളിലായാണ് പൃഥ്വിരാജിന്റെ സിനിമയിലെ പ്രകടനത്തെ പറ്റി നജീബ് മനസ്സ് തുറന്നത്. സിനിമ താന്‍ കണ്ടിട്ടില്ലെന്നും എന്നാല്‍ ട്രെയ്‌ലറില്‍ മരുഭൂമിയില്‍ പൃഥ്വിരാജ് ഭാര്യയെ വിളിച്ച് കരയുന്ന രംഗം കണ്ട് താന്‍ കരഞ്ഞുപോയെന്നും അന്ന് താന്‍ എന്തെല്ലാമാണോ ചെയ്തത് അതെല്ലാം തന്നെയാണ് പൃഥ്വിരാജ് ചെയ്തിരിക്കുന്നതും നജീബ് പറയുന്നു. സിനിമയില്‍ പൃഥ്വിരാജ് കണ്ണാടി നോക്കുന്ന രംഗവും ഞാന്‍ കണ്ടു. കവിളൊക്കെ ഒട്ടിയുള്ള രൂപമായിരുന്നു എനിക്ക് അന്ന്. അത് കണ്ടാല്‍ ഭയമാകുമായിരുന്നു. തന്റെ ജീവിതം നോവലായപ്പോള്‍ അത് വായ്ച്ച് ഒരുപാട് കരഞ്ഞതാണെന്നും എങ്കിലും സിനിമയ്ക്കായി കാത്തിരിക്കുകയാണെന്നും നജീബ് പറഞ്ഞു.
 
നജീവ് ഗള്‍ഫില്‍ നേരിട്ട ദുരിതവും മരുഭൂവില്‍ നിന്നും രക്ഷപ്പെട്ടതിന്റെ കഥയുമെല്ലാമാണ് സിനിമ പറയുന്നത്. സിനിമയായി പറയുമ്പോള്‍ നജീബിന്റെ ജീവിതം പ്രേക്ഷകരുടെ കണ്ണ് നനയിക്കുമെന്ന് ഉറപ്പാണ്. മാര്‍ച്ച് 28നാണ് സിനിമയുടെ റിലീസ്, 2018ല്‍ ആരംഭിച്ച സിനിമ പിന്നീട് കൊവിഡ് പശ്ചാത്തലത്തില്‍ നീണ്ട് പോവുകയായിരുന്നു. സിനിമയ്ക്കായി പൃഥ്വിരാജ് രണ്ട് തവണയാണ് ശരീരഭാരം കുറച്ചത്. നീണ്ട കാലയളവിന് ശേഷം സിനിമ ഇറങ്ങുമ്പോള്‍ ഇന്ത്യയാകെ സിനിമയ്ക്കായുള്ള കാത്തിരിപ്പിലാണ്.

അനുബന്ധ വാര്‍ത്തകള്‍

വായിക്കുക

Elizabath Udayan: 'വിഷമം താങ്ങാനായില്ല, മാപ്പ്'; ആത്മഹത്യയ്ക്ക് ശ്രമിച്ചതിന്റെ കാരണം പറഞ്ഞ് എലിസബത്ത്

ബിഗ് ബോസില്‍ പോകാന്‍ താല്‍പര്യമുണ്ട്, പക്ഷേ ഇതുവരെ അവര്‍ വിളിച്ചിട്ടില്ല: രേണു സുധി

ഒരു മീശപിരി ഇടി ഉറപ്പായും കാണാം; ദിലീപ് ചിത്രത്തിലെ മോഹന്‍ലാലിന്റെ അതിഥി വേഷത്തെ കുറിച്ചുള്ള വിവരങ്ങള്‍

Meera Anil: 'ആ നടൻ ഏൽപ്പിച്ച മുറിവ് ഇപ്പോഴും മനസിലുണ്ട്': മീര പറയുന്നു

Meenakshi Dileep: മഞ്ജു പറഞ്ഞത് എത്ര ശരിയാണ്! മീനാക്ഷിയെ ചേർത്തുപിടിച്ച് ദിലീപ്

എല്ലാം കാണുക

ഏറ്റവും പുതിയത്

അമേരിക്ക വിന്യസിച്ച അന്തര്‍വാഹിനികള്‍ നിരീക്ഷണത്തില്‍; അത് തകര്‍ക്കാന്‍ തങ്ങള്‍ക്ക് പറ്റുമെന്ന് റഷ്യ

ഒന്‍പതു ദിവസത്തെ ജയില്‍വാസത്തിനുശേഷം കന്യാസ്ത്രീകള്‍ക്ക് മോചനം

ജയിലിനുള്ളിൽ മയക്കുമരുന്ന് ഉപയോഗം അസിസ്റ്റൻ്റ് പ്രിസൺ ഓഫീസർക്ക് സസ്പെൻഷൻ

Friendship Day Wishes in Malayalam: ഓഗസ്റ്റ് 3, ലോക സൗഹൃദ ദിനം; സുഹൃത്തുക്കള്‍ക്ക് മലയാളത്തില്‍ ആശംസകള്‍ നേരാം

രാജ്യസഭയിൽ ബിജെപി അംഗസംഖ്യ നൂറിനുമുകളിലായി

അടുത്ത ലേഖനം
Show comments