മിന്നല്‍ മുരളിയ്ക്ക്‌ശേഷം ടോവിനോയുടെ അടുത്തതായി വരാനിരിക്കുന്ന ചിത്രമാണ് നാരദന്‍. ഇക്കഴിഞ്ഞ ദിവസം പുറത്തുവന്ന ട്രെയിലറിന് മികച്ച പ്രതികരണമാണ് ലഭിക്കുന്നത്. മായാനദിക്ക് ശേഷം ആഷിഖ് അബു-ടൊവിനോ ടീമിന്റെ ചിത്രം കൂടി ആയതിനാല്‍ പ്രേക്ഷകര്‍ക്ക് പ്രതീക്ഷകള്‍ വലുതാണ്.
ഒന്നിലധികം കാരണങ്ങള്‍ കൊണ്ട് ഈ ചിത്രത്തില്‍ അഭിനയിക്കുന്നതില്‍ തനിക്ക് വളരെയധികം ആവേശമുണ്ടെന്നാണ് ടോവിനോ പറയുന്നത്.അതിലൊന്ന് ഏറ്റവും മികച്ച ടീമിനൊപ്പമാണ് ഇപ്പോള്‍ പ്രവര്‍ത്തിക്കുന്നത് എന്നതാണ്.
ആശയത്തിലേക്ക് വരുമ്പോള്‍ ഏറ്റവും കൃത്യമായ ലക്ഷ്യത്തിലേക്ക് തന്നെ ഈ സിനിമ കൊള്ളും. ഒരു അഭിനേതാവ് എന്ന നിലയിലും, കാലാകാരനെന്ന നിലയിലും, ശക്തമായ തിരക്കഥകളില്‍ വിശ്വസിക്കുന്ന വ്യക്തി എന്ന നിലയിലും ഇതില്‍ കൂടുതല്‍ പറയാന്‍ വയ്യെന്നും നിങ്ങളെല്ലാവരും ഇത് കാണണമെന്നാണ്സിനിമയുടെ ട്രെയിലര്‍ ഒരു മില്യണ്‍ കാഴ്ചക്കാരില്‍ എത്തിയ സന്തോഷം പങ്കുവെച്ചുകൊണ്ട് ടോവിനോ കുറിച്ചത്.