നാളെ ഫസ്റ്റ് ലുക്ക് വരുന്നുണ്ടേ, വിജയ് സേതുപതിയും നിത്യാമേനോനും മലയാളത്തിലേക്ക്,19(1)(a) സോഷ്യല്‍-പൊളിറ്റിക്കല്‍ ഡ്രാമ

നിത്യ മേനോന്‍ വീണ്ടും മലയാളത്തില്‍ തിരിച്ചെത്തുന്ന ചിത്രമാണ് 19 1(എ). വിജയ് സേതുപതിയും ഇന്ദ്രജിത്തും പ്രധാന കഥാപാത്രങ്ങളെ അവതരിപ്പിക്കുന്നു. ഈ ചിത്രത്തിലൂടെ മലയാളം ഒരു പുതുമുഖ സംവിധായിക കൂടി കടന്നുവരികയാണ്.ഇന്ദു വി.എസ്. തന്റെ ആദ്യ സിനിമയുടെ ഫസ്റ്റ് ലുക്ക് നാളെ എത്തുമെന്ന് സംവിധായിക അറിയിച്ചു.

19 (1) (a) സോഷ്യല്‍-പൊളിറ്റിക്കല്‍ ഡ്രാമ വിഭാഗത്തില്‍പ്പെടുന്ന ചിത്രമാണ്. നിത്യ അവതരിപ്പിക്കുന്ന പേരില്ലാത്ത പെണ്‍കുട്ടിയുടെ കാഴ്ച്ചപ്പാടിലൂടെയാണ് കഥ മുന്നോട്ടു പോകുന്നത്.ആന്റോ ജോസഫ് ഫിലിം കമ്പനി ആണ് ചിത്രം നിര്‍മ്മിക്കുന്നത്.അന്‍വര്‍ അലിയുടെ വരികള്‍ക്ക് ഗോവിന്ദ് വസന്തയാണ് സംഗീതമൊരുക്കുന്നത്.മനേഷ് മാധവന്‍ ചായാഗ്രഹണവും വിജയ് ശങ്കര്‍ എഡിറ്റിംഗും നിര്‍വഹിക്കുന്നു.