ഒരുപാട് നാള്‍ സ്വപ്നം കണ്ട ആ ദിവസം , വൈശാഖ് ഏട്ടന്റെയൊപ്പം ഒരു സിനിമ,നൈറ്റ് ഡ്രൈവ് ഫസ്റ്റ് ലുക്ക് പങ്കുവെച്ചുകൊണ്ട് തിരക്കഥാകൃത്ത് അഭിലാഷ് പിള്ള

പുലിമുരുകന്‍ സംവിധായകന്‍ വൈശാഖിന്റെ റിലീസിനൊരുങ്ങുന്ന ചിത്രമാണ് നൈറ്റ് ഡ്രൈവ്.റോഷന്‍ മാത്യു, അന്ന ബെന്‍, ഇന്ദ്രജിത്ത് സുകുമാരന്‍ എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന സിനിമ കൊച്ചിയിലാണ് ചിത്രീകരിച്ചത്. സിനിമയുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി.

മലയാള സിനിമയില്‍ അധികം കണ്ടിട്ടില്ലാത്ത ത്രില്ലറാണ് ഈ ചിത്രമെന്ന് തിരക്കഥാകൃത്ത് അഭിലാഷ് പിള്ള പറഞ്ഞിരുന്നു. ഇപ്പോഴിതാ സിനിമയെക്കുറിച്ച് അഭിലാഷ് പറയുകയാണ്.

'വേട്ടയാടപ്പെട്ടവര്‍ വേട്ടക്കാരായി മാറുന്ന നൈറ്റ് ഡ്രൈവ്..നൈറ്റ് ഡ്രൈവിന്റെ ഫസ്റ്റ് ലുക്ക് പോസ്റ്റര്‍ ഇതാ.ഒരുപാട് നാള്‍ സ്വപ്നം കണ്ട ആ ദിവസം ... വൈശാഖ് ഏട്ടന്റെ ഒപ്പം ഒരു സിനിമ. ആന്റോ ചേട്ടന്റെ പ്രൊഡക്ഷന്‍, ഷാജിയേട്ടന്റെ ക്യാമറ, രഞ്ജന്റെ സംഗീതം,ഇന്ദ്രേട്ടന്‍, റോഷന്‍, അന്ന പിന്നെ കൂട്ടിന് ക്യാമറക്ക് മുന്നിലും പിന്നിലുമായി ഒരു വലിയ ടീമും. '- അഭിലാഷ് പിള്ള കുറിച്ചു.