നടൻ നിരഞ്ജൻ രാജുവും ജോജു ജോർജ്ജും ഒന്നിക്കുന്ന പുതിയ ചിത്രമാണ് ‘ഒരു തത്വിക അവലോകനം’. ഈ ചിത്രത്തിൽ കോൺട്രാക്ടറുടെ വേഷത്തിലാണ് ജോജു എത്തുന്നതെന്ന് സംവിധായകൻ അഖിൽ മാരാർ പറഞ്ഞു. സന്ദേശം പോലെ ഈ സിനിമ ഒരു രാഷ്ട്രീയ ആക്ഷേപഹാസ്യമാകുമെന്ന് അഖിൽ ഒരു പ്രമുഖ മാധ്യമത്തിന് നൽകിയ അഭിമുഖത്തിൽ പറഞ്ഞത്.
സിനിമയുടെ ഷൂട്ടിംഗ് നവംബർ തന്നെ ആരംഭിക്കുമെന്നും അദ്ദേഹം കൂട്ടിച്ചേർത്തു. യോഹന്നാൻ പ്രൊഡക്ഷനാണ് സിനിമ നിർമിക്കുന്നത്. 1991 ൽ പുറത്തിറങ്ങിയ സന്ദേശത്തിലെ ശങ്കരാടിയുടെ ഡയലോഗിൽ നിന്ന് പ്രചോദനം ഉൾക്കൊണ്ടതാണ് സിനിമയുടെ ടൈറ്റിൽ.
അടുത്തിടെ പുറത്തുവന്ന ടൈറ്റിൽ പോസ്റ്ററിൽ ശങ്കരാടിയുടെ ചിത്രവും ഉൾപ്പെടുത്തിട്ടുണ്ടായിരുന്നു. അതേസമയം മറ്റ് അഭിനേതാക്കളെ ഇതുവരെ വെളിപ്പെടുത്തിയിട്ടില്ല.
