'ശാന്തരാകൂ'; കിടിലന്‍ ചിത്രങ്ങളുമായി പാര്‍വതി തിരുവോത്ത്

വിക്രം നായകനായെത്തിയ പാ.രഞ്ജിത്ത് സിനിമ തങ്കലാന്‍ ആണ് പാര്‍വതിയുടേതായി ഏറ്റവും ഒടുവില്‍ റിലീസ് ചെയ്ത ചിത്രം

Parvathy Thiruvothu

പുതിയ ഫോട്ടോഷൂട്ടുമായി നടി പാര്‍വതി തിരുവോത്ത്. മോഡേണ്‍ ഔട്ട്ഫിറ്റില്‍ ഗ്ലാമറസായാണ് താരത്തെ പുതിയ ചിത്രങ്ങളില്‍ കാണുന്നത്. 'ശാന്തത' എന്ന ക്യാപ്ഷനോടെയാണ് താരം ചിത്രങ്ങള്‍ പങ്കുവെച്ചത്. 

വിക്രം നായകനായെത്തിയ പാ.രഞ്ജിത്ത് സിനിമ തങ്കലാന്‍ ആണ് പാര്‍വതിയുടേതായി ഏറ്റവും ഒടുവില്‍ റിലീസ് ചെയ്ത ചിത്രം. പാര്‍വതി അവതരിപ്പിച്ച ഗംഗമ്മ എന്ന നായികാ കഥാപാത്രം തിയറ്ററുകളില്‍ ഏറെ കൈയടി നേടി. ചില രംഗങ്ങളില്‍ സാക്ഷാല്‍ വിക്രത്തെ പോലും പിന്നിലാക്കുന്ന കരുത്തുറ്റ പ്രകടനമാണ് പാര്‍വതി കാഴ്ചവെച്ചിരിക്കുന്നത്. 

ഹേമ കമ്മിറ്റി റിപ്പോര്‍ട്ടിനെ തുടര്‍ന്ന് മലയാള സിനിമാ രംഗത്തുണ്ടായ വിവാദങ്ങളിലും ചര്‍ച്ചകളിലും ഏറ്റവും ബോല്‍ഡ് ആയി പ്രതികരിച്ച താരമാണ് പാര്‍വതി. ഇത്രയും പ്രശ്‌നങ്ങള്‍ നടക്കുന്നതിനിടെ അതിനെ കുറിച്ച് സംസാരിക്കാതെ മോഹന്‍ലാല്‍ അടക്കമുള്ളവര്‍ 'അമ്മ' ഭാരവാഹിത്വം രാജിവെച്ചത് ഭീരുത്വമാണെന്ന് പാര്‍വതി പറഞ്ഞിരുന്നു.