പോക്കിരി രാജ, മധുര രാജ തുടങ്ങിയ മമ്മൂട്ടി ചിത്രങ്ങള്‍ക്കു ശേഷം സംവിധായകന്‍ വൈശാഖ് വീണ്ടും മമ്മൂട്ടിയുമായി കൈകോര്‍ക്കുന്നു. അണിയറയില്‍ ഒരു സിനിമ ഒരുങ്ങുന്നുണ്ടെന്നാണ് കേള്‍ക്കുന്നത്. ക്രിസ്റ്റഫര്‍ ചിത്രീകരണത്തിനിടെ വൈശാഖ് മമ്മൂട്ടിയെ പോയി കണ്ടിരുന്നു. കൂടെ തിരക്കഥാകൃത്ത് ഉദകൃഷ്ണയും ഉണ്ടായിരുന്നു.
2010 മേയ് 7-ന് റിലീസ് ചെയ്ത പോക്കിരിരാജയാണ് ഈ കൂട്ടുകെട്ടില്‍ ആദ്യം പുറത്തിറങ്ങിയത്. 6-7 കോടി ബജറ്റില്‍ നിര്‍മ്മിച്ച സിനിമ വന്‍ വിജയമായി മാറി.25-30 കോടിയോളം രൂപ കളക്ഷന്‍ നേടുവാന്‍ സിനിമയ്ക്കായി.
പോക്കിരി രാജ വിജയമായതിന് പിന്നാലെ മധുര രാജ എന്ന ചിത്രം 2019 ല്‍ ഇതേ കൂട്ടുകെട്ടില്‍ പിറന്നു.ഈ ചിത്രം പോക്കിരി രാജയുടെ രണ്ടാം ഭാഗമായിരുന്നില്ല.ഈ ചിത്രത്തിന്റെ ഒരു സ്പിന്‍ ഓഫ് ആയിരുന്നു.
