Publish Date: Thu, 07 Jul 2022 (10:07 IST)
Updated Date: Thu, 07 Jul 2022 (10:09 IST)
കേരളത്തിലും കര്ണാടകയിലും ആയി നടക്കുന്ന മയക്കുമരുന്ന് മാഫിയയുടെ കഥയാണ് പവര് സ്റ്റാര് എന്ന ഒമര് ലുലു ചിത്രം പറയുന്നത്. ബാബു ആന്റണി കേന്ദ്രകഥാപാത്രമായി എത്തുന്ന സിനിമയുടെ ട്രെയിലര് നാളെ രാത്രി 8 മണിക്ക് പുറത്തിറങ്ങും. ഇപ്പോഴിതാ സിനിമയെ കുറിച്ച് ഒരു അപ്ഡേറ്റ് സംവിധായകന് നല്കി.
പവര് സ്റ്റാര് സെക്കന്ഡ് ഷെഡ്യൂള് സെപ്റ്റംബറില് ആരംഭിക്കുമെന്ന് ഒമര് ലുലു. ഈ വര്ഷം തന്നെ ചിത്രം പ്രദര്ശനത്തിന് എത്തിക്കാനാണ് നിര്മ്മാതാക്കള് പദ്ധതിയിടുന്നത്.
റിയാസ് ഖാന്, അബു സലിം, ബാബു രാജ് തുടങ്ങിയവരും പ്രധാന വേഷങ്ങള് എത്തുന്ന ചിത്രത്തില് നായികമാര് ഇല്ല. ഡെന്നിസ് ജോസഫ് ഒരിടവേളക്ക് ശേഷം തിരക്കഥ രചിക്കുന്ന ഈ ചിത്രത്തില് ഹോളിവുഡില് നിന്നും താരങ്ങള് അഭിനയിക്കാന് എത്തുന്നുണ്ട്. ബാബു ആന്റണിയുടെ ഇടി കാണാനായി ആരാധകരും കാത്തിരിക്കുകയാണ്.
