കഴിഞ്ഞദിവസം സാമൂഹ്യ മാധ്യമങ്ങളില്‍ വൈറലായ വീഡിയോയായിരുന്നു പ്രണവ് മോഹന്‍ലാലിന്റേത്.മണാലിയില്‍ വച്ചാണ് സോളോ ട്രിപ്പ് നടത്തുന്ന ആത്മയാന്‍ ബാക്ക്പാക്കുമായി മലകയറുന്ന മറ്റൊരാളെ മുഖം ശ്രദ്ധിച്ചത്. മറ്റാരും അല്ലായിരുന്നു മോഹന്‍ലാലിന്റെ മകന്‍ പ്രണവ് ആയിരുന്നു അത്. ബാക്ക്പാക്കുമായി ഒരു സാധാരണക്കാരനെ പോലെ നടന്നു നീങ്ങുകയായിരുന്നു നടന്‍. ആത്മയാനും സുഹൃത്തുക്കളുമാണ് വീഡിയോ എടുത്തതും സോഷ്യല്‍ മീഡിയയില്‍ പോസ്റ്റ് ചെയ്തതും.
ഹിമാലയന്‍ യാത്രയില്‍ സഹോദരി വിസ്മയയും ഉണ്ട്. സഹോദരനൊപ്പമുള്ള ചിത്രങ്ങള്‍ പങ്കുവെച്ചിരുന്നു. യാത്രകള്‍ ഏറെ ഇഷ്ടപ്പെടുന്ന ആളാണ് പ്രണവ്.
വിനീത് ശ്രീനിവാസന്‍ ചിത്രം ഹൃദയം റിലീസിനായി കാത്തിരിക്കുകയാണ് പ്രണവ് മോഹന്‍ലാല്‍. മരക്കാര്‍ അറബിക്കടലിലെ സിംഹത്തിലും പ്രണവ് അഭിനയിച്ചിട്ടുണ്ട്.
