പൃഥ്വിരാജ് എന്ന പേര് ഇന്ന് മലയാളികൾക്ക് അഭിമാനമാണ്. ചെറിയ പ്രായത്തിൽ തന്നെ സിനിമയിൽ എത്തി അഭിനയ രംഗത്ത് ആദ്യം സ്വന്തമായ ഒരു ഇടം കണ്ടെത്തി. പിന്നീട് നിർമ്മാണ സംരംഭത്തിലേക്ക്. ലൂസിഫറിലൂടെ ഒരു മികച്ച സംവിധായകനാണ് താൻ എന്നും പൃഥ്വി തെളിയിച്ചു. എന്നാൽ അഭിനയം തുടങ്ങുന്ന കാലത്ത് വലിയ പ്രതിസന്ധികൾ തന്നെ താരം നേരിട്ടിരുന്നു.
മറ്റു അഭിനയതാക്കളുടെ ആരാധകരിൽനിന്നുമുള്ള കുപ്രചരണങ്ങൾക്കും സോഷ്യൽ മീഡിയ ആക്രമണങ്ങൾക്കും ഇരയായിട്ടുള്ള താരം കൂടിയാണ് പൃഥ്വി. ഇപ്പോഴിതാ മലയാളികളുടെ താര ആരാധനയെ കുറിച്ച് പൃഥ്വിരാജ് തുറന്നു പറഞ്ഞിരിക്കുകയാണ്. മലയാളികളുടെ താര ആരാധന നിരാശപ്പെടുത്തുന്നതാണ് എന്നാണ് പൃഥ്വി തുറന്നുപറഞ്ഞിരിക്കുന്നത്.
'കഴിഞ്ഞ കുറച്ചു വർഷങ്ങളായി നടന്നുകൊണ്ടിരിക്കുന്ന സംഭവ വികാസങ്ങൾ നോക്കിയാൽ. കേരളത്തിലെ ആരാധകവൃന്ദം വല്ലാതെ നിരശപ്പെടുത്തുന്നുണ്ട് എന്നതാണ് സത്യം. ഒരു നടനെ വിമർശിച്ചാൽ അവരുടെ ആരാധകരിൽനിന്നും വളരെ മോശമായ രീതിയിലുള്ള അതിക്ഷേപങ്ങളും സോസ്യൽ മീഡിയ ആക്രമണവും ഭീഷണിയുമെല്ലാം നേരിടേണ്ടി വരും.
യുക്തിയോടെ ചിന്തിക്കുന്നവരാണെങ്കിൽ അങ്ങനെ ചെയ്യുമോ ? അതിനാൽ തന്നെ കേരളത്തിലെ ആരാധകവൃന്ദം യുക്തിസഹമായി ചിന്തിക്കുന്നവരാണ് എന്ന് അവകാശപ്പെടാൻ നമുക്ക് സാധിക്കില്ല. ടൈംസ് ഓഫ് ഇന്ത്യക്ക് നൽകിയ അഭിമുഖത്തിലാണ് പൃഥ്വി ഇക്കാര്യങ്ങൾ തുറന്നുവ്യക്തമാക്കിയത്.
