രവീണ ടണ്ടൻ മടങ്ങിവരുന്നു, കെ ജി എഫ് 2വിൽ ശക്തമായ കഥാപാത്രം

ഇരുപത് വർഷത്തെ ഇടവേളക്ക് ശേഷം രവീണ ടണ്ടൻ തെലുങ്ക് സിനിമാലോകത്തിലേക്ക് തിരിച്ചെത്തുന്നു. ഇന്ത്യ ഒട്ടാകെ ചരിത്രം സൃഷ്ടിച്ച കെ ജി എഫിന്റെ രണ്ടാം ഭാഗത്തിലൂടെയാണ് താരം തിരിച്ചുവരവ് നടത്തുന്നത്. ചിത്രത്തിൽ ഇന്ത്യൻ പ്രധാനമന്ത്രിയുടെ വേഷത്തിൽ ശക്തമായ തിരിച്ചുവരവാണ് താരം നടത്തുന്നത്. രാമിക സെൻ എന്നാണ് കഥാപാത്രത്തിന്റെ പേര്.

'കെ.ജി.എഫിന്റെ കഥ എന്നെ വല്ലാതെ ആകര്‍ഷിച്ചു. പ്രശാന്ത് നീൽ അതിമനോഹരമായാണ് എനിക്ക് ചിത്രത്തിന്റെ കഥ വിവരിച്ചുതന്നത്. ചിത്രത്തിന്റെ ആദ്യ ഭാഗം കാണുന്നതിന് മുൻപേ രണ്ടാം ഭാഗത്തിന്റെ കഥ പറഞ്ഞിരുന്നു. ചിത്രത്തിൽ ശക്തമായ ഒരു വേഷമാണ് കൈകാര്യം ചെയ്യുന്നത്'-രവീണ പറഞ്ഞു.

ബോളിവുഡ് താരമായ സഞ്ജയ് ദത്താണ് ചിത്രത്തിലെ വില്ലൻ വേഷം അവതരിപ്പിക്കുന്നത്.ആദ്യഭാഗത്തിൽ മുഖംമൂടി അണിഞ്ഞ് പ്രത്യക്ഷപ്പെടുന്ന കൊടുംവില്ലൻ അധീരയെന്ന കഥാപാത്രത്തിനെയാകും സഞ്ജയ് ദത്ത് അവതരിപ്പിക്കുക.