ചലച്ചിത്ര അക്കാദമി ചെയര്‍മാനും സംവിധായകനുമായി കമൽ തന്നെ ബലാത്സംഗം ചെയ്തെന്ന് യുവനടി. കമല്‍ സംവിധാനം ചെയ്ത പ്രണയമീനുകളുടെ കടല്‍ എന്ന ചിത്രത്തില്‍ നായികവേഷം വാഗ്ദാനം ചെയ്താണ് പീഡനമെന്ന് കമലിന് അയച്ച വക്കീല്‍നോട്ടീസില്‍ പറയുന്നു.
കമലിന്റെ ഔദ്യോഗിക വസതിയില്‍ വെച്ചായിരുന്നു പീഡിപ്പിച്ചതെന്നും വക്കീല്‍നോട്ടീസില്‍ പറയുന്നു. ലൈംഗിക ആക്രമണത്തില്‍ മാപ്പു പറയണമെന്നും നഷ്ടപരിഹാരം നല്‍കണമെന്നുമാണ് യുവനടി നോട്ടീസില്‍ വ്യക്തമാക്കുന്നത്. മാനനഷ്ടം ആവശ്യപ്പെട്ട് കമലിനു അയച്ച വക്കീല്‍നോട്ടീസില്‍ തുടര്‍നടപടികള്‍ ഉണ്ടായില്ല. തന്റെ സ്വാധീനം ഉപയോഗിച്ച് കമൽ ഈ വിഷയം ഒതുക്കി തീര്‍ത്തുവെന്നാണ് നടിയുടെ ആരോപണം.
ആമി എന്ന ചിത്രത്തിന്റെ സമയത്തും യുവനടികള്‍ക്കെതിരേ ലൈംഗികമായ ചൂഷണം ഉണ്ടായെന്നും ആരോപണമുണ്ട്. കമല്‍ ആട്ടില്‍തോലിട്ട ചെന്നായ ആണെന്നും ഇതുസംബന്ധിച്ച മുമ്പ് നല്‍കിയ പരാതികള്‍ ഒതുക്കി തീര്‍ത്തെന്നും യുവനടി വ്യക്തമാക്കുന്നു.
