വധഭീഷണി നിലനില്‍ക്കെ ജോലി പുനരാരംഭിച്ച് സല്‍മാന്‍ ഖാന്‍, സിക്കന്ദറിന്റെ ഷൂട്ടിംഗില്‍ തിരിച്ചെത്തി

അടുത്ത സുഹൃത്തും മുന്‍ മന്ത്രിയുമായ ബാബ സിദ്ദിഖിയുടെ കൊലപാതകത്തിന് പിന്നാലെ വലിയ ആശങ്കകളാണ് ബോളിവുഡ് സൂപ്പര്‍ താരം സല്‍മാന്‍ ഖാന്റെ സുരക്ഷയെ സംബന്ധിച്ച് ഉയര്‍ന്നത്. ബാബ സിദ്ദിഖിയെ കൊലപ്പെടുത്തിയ ലോറന്‍സ് ബിഷ്‌ണോയ് സംഘത്തില്‍ നിന്നും സല്‍മാന് ഭീഷണി നേരിടുന്ന സാഹചര്യത്തിലാണിത്.

ലോറന്‍സ് ബിഷ്‌ണോയിയുടെ സംഘത്തില്‍ നിന്നും പുതുതായി ഭീഷണി ലഭിച്ചതിനെ തുടര്‍ന്ന് സിനിമാ ഷൂട്ടിംഗുകളില്‍ നിന്ന് താരം വിട്ട് നില്‍ക്കാന്‍ തീരുമാനിച്ചതായി നേരത്തെ റിപ്പോര്‍ട്ടുകളുണ്ടായിരുന്നു. അതിനാല്‍ തന്നെ പുതിയ സല്‍മാന്‍ ചിത്രമായ സിക്കന്ദറിനെ ഇത് ബാധിക്കുമെന്നാണ് കരുതിയിരുന്നത്. എന്നാല്‍ ചെറിയ ഒരു ഇടവേളയ്ക്ക് ശേഷം സിക്കന്ദറിന്റെ ഷൂട്ടിംഗ് പുനരാരംഭിച്ചതായാണ് ബോളിവുഡ് വൃത്തങ്ങള്‍ അറിയിക്കുന്നത്.