Select Your Language

Notifications

webdunia
webdunia
webdunia
webdunia

മലയാളത്തിലെ ഐകോണിക് ഫിഗർ അദ്ദേഹമാണ്, ഇപ്പോഴും ഒരു മാറ്റവുമില്ല: സിമ്രാൻ

മമ്മൂട്ടിക്കൊപ്പം സിനിമ ചെയ്തതിനെ കുറിച്ച് സംസാരിക്കുകയാണ് സിമ്രാൻ.

Simran

നിഹാരിക കെ.എസ്

, തിങ്കള്‍, 2 ജൂണ്‍ 2025 (16:42 IST)
നിരവധി സിനിമകളിലൂടെ ആരാധകരുടെ മനസില്‍ ഇടം നേടിയ താരമാണ് സിമ്രാന്‍. മലയാളത്തിൽ സിമ്രാൻ അധികം സിനിമകൾ ചെയ്തില്ല. തമിഴിലാണ് സിമ്രാൻ തിളങ്ങിയത്. എന്നിരുന്നാലും സിമ്രാന് മലയാളത്തിലും നിരവധി ആരാധകരുണ്ട്. ഇപ്പോഴിതാ, മമ്മൂട്ടിക്കൊപ്പം സിനിമ ചെയ്തതിനെ കുറിച്ച് സംസാരിക്കുകയാണ് സിമ്രാൻ.
 
മമ്മൂട്ടി സാറിന്റെ കൂടെ ഞാന്‍ ഒരേ ഒരു സിനിമയാണ് ചെയ്തതെന്നും ഇന്ദ്രപ്രസ്ഥം ആയിരുന്നു ആ ചിത്രമെന്നും താരം പറഞ്ഞു. ഒരു തമിഴ് ചാനലില്‍ സംസാരിക്കുകയായിരുന്നു നടി. ഒരു ഐക്കോണിക് ഫിഗറാണ് മമ്മൂട്ടി. അദ്ദേഹം ഇപ്പോഴും അങ്ങനെ തന്നെയാണ്. കുറച്ചുപോലും മാറിയിട്ടേ ഇല്ല എന്നും താരം പറഞ്ഞു. മമ്മൂട്ടിക്കൊപ്പം ഇന്ദ്രപ്രസ്ഥം എന്ന സിനിമയിൽ സിമ്രാൻ അഭിനയിച്ചിട്ടുണ്ട്. ആ സിനിമയെ കുറിച്ചും അതിൽ അഭിനയിച്ചപ്പോഴുണ്ടായ അനുഭവത്തെ കുറിച്ചുമാണ് സിമ്രാൻ പുതിയ അഭിമുഖത്തിൽ സംസാരിച്ചത്.
 
‘മമ്മൂട്ടി സാറിന്റെ കൂടെ ഞാന്‍ ഒരേ ഒരു സിനിമയാണ് ചെയ്തത്. ഇന്ദ്രപ്രസ്ഥം. അത് ഇവിടെ തമിഴ്നാട്ടില്‍ റിലീസ് ചെയ്യുമ്പോള്‍ ഡല്‍ഹി ദര്‍ബാര്‍ എന്നായിരുന്നു പേര്. അതിന്റെ മ്യൂസിക് ഡയറക്ടര്‍ വിദ്യാസാഗര്‍ ആയിരുന്നു. ഞാന്‍ ആ സിനിമയില്‍ മമ്മൂട്ടി സാറിന്റെ പെയര്‍ അല്ലായിരുന്നു. നല്ല രണ്ട് പാട്ടുകളുണ്ട് ആ പടത്തില്‍. വിദ്യാസാഗര്‍ സാറിന്റെ സംഗീതം അടിപൊളിയാണ്. അതായിരുന്നു എന്റെ ആദ്യത്തെ സൗത്ത് ഇന്ത്യന്‍ മൂവി. തമിഴിന് മുമ്പ് ഞാന്‍ ചെയ്തത് ഇന്ദ്രപ്രസ്ഥമാണ്. അതിന് ശേഷമാണ് തമിഴില്‍ നേരുക്ക് നേര്‍ ചെയ്തത്. മമ്മൂട്ടി സാറിന്റെ ബസൂക്ക കണ്ടിരുന്നു. അദ്ദേഹം ഒരു ഐക്കോണിക് ഫിഗറാണ്. അദ്ദേഹം ഇപ്പോഴും അങ്ങനെ തന്നെയാണ്. കുറച്ചുപോലും മാറിയിട്ടേ ഇല്ല,’ സിമ്രാൻ പറഞ്ഞു.

Share this Story:

Follow Webdunia malayalam

അടുത്ത ലേഖനം

ഹേമ കമ്മിറ്റി റിപ്പോർട്ടുമായി ബന്ധപ്പെട്ട കേസുകൾ അവസാനിപ്പിക്കുന്നു