ബോംബെയില്‍ കോളേജില്‍ പഠിക്കുമ്പോള്‍, പാട്ടുപാടാന്‍ തിരുവനന്തപുരത്തേക്ക് വേണുഗോപാലിന്റെ ക്ഷണം, അന്ന് അവിടെ ഒരാള്‍ കൂടി ഉണ്ടായിരുന്നു, ചിത്രയെ കുറിച്ച് ശ്രീനിവാസ്

മലയാളത്തിന്റെ പ്രിയ ഗായിക കെ.എസ്.ചിത്രയ്ക്ക് ഇന്ന് ജന്മദിനം. അറുപതാം പിറന്നാള്‍ ആഘോഷിക്കുന്ന ചിത്രയ്ക്ക് ആശംസകളുമായി എത്തിയിരിക്കുകയാണ് ഗായകനും സംഗീത സംവിധായകനുമായ ശ്രീനിവാസ്.

 'വര്‍ഷം 1983 - ഞാന്‍ ബോംബെയില്‍ കോളേജില്‍ പഠിക്കുമ്പോള്‍ ഏതോ അവധിക്കാലത്ത് തിരുവനന്തപുരത്ത് വന്നപ്പോള്‍ സെനറ്റ് ഹാളില്‍ നടക്കുന്ന ഒരു ഷോയില്‍ കുറച്ച് പാട്ടുകള്‍ പാടാന്‍ പ്രിയ സുഹൃത്തും ഗായകനുമായ വേണുഗോപാല്‍ എന്നെ ക്ഷണിച്ചു.. ആകസ്മികമായി, അതേ ഷോയില്‍ ചിത്രയും പാടുന്നുണ്ടായിരുന്നു.. ചിത്ര അപ്പോഴേക്കും പാടിത്തുടങ്ങിയിരുന്നു.. ഇത് സ്റ്റേജ് ഷോയുടെ തത്സമയ റെക്കോര്‍ഡിംഗ് ആണ്.. ബാബുരാജ് ക്ലാസിക് 'തളിരിട്ട കിനാക്കള്‍' ചിത്ര പാടിയ രീതി...ലൈവ്, എഡിറ്റ് ചെയ്യപ്പെടാതെ,ഉള്ളതുപോലെ ഒരാള്‍ക്ക് എങ്ങനെ ഇത് പാടാന്‍ കഴിയും എന്നത് അവിശ്വസനീയമാണ്.. അങ്ങനെയാണ് അവള്‍ നമുക്കെല്ലാവര്‍ക്കും അറിയാവുന്ന കെ.എസ്.ചിത്രയായത്. അത്ഭുതകരമായ ജന്മദിനം ആശംസിക്കുന്നു..',-ശ്രീനിവാസ് കുറിച്ചു.

ശ്രീനിവാസ് 2000-ലേറെ ഗാനങ്ങള്‍ തമിഴ്, മലയാളം, തെലുങ്ക്, കന്നട, ഹിന്ദി എന്നീ ഭാഷകളിലായി ആലപിച്ചിട്ടുണ്ട്.