നോ പറയേണ്ടിടത്ത് നോ പറയാനും ഇറങ്ങിപോകേണ്ട സ്ഥലത്ത് നിന്ന് പോകാനും സ്ത്രീകൾ പഠിക്കണം: സണ്ണി ലിയോൺ

Sunny leone

നഷ്ടമാകുന്ന അവസരങ്ങളല്ല നിലപാട് തന്നെയാണ് പ്രധാനമെന്ന് നടി സണ്ണി ലിയോണി. നോ പറയാനും ഇറങ്ങിപോകേണ്ടിടത്ത് നിന്ന് ഇറങ്ങി പോകാനും സ്ത്രീകള്‍ തയ്യാറാകണമെന്ന് സണ്ണി ലിയോണ്‍ പറഞ്ഞു. സിനിമാരംഗത്തെ മീ ടു വിവാദങ്ങളോട് പ്രതികരിക്കുകയായിരുന്നു താരം.

വളരെക്കാലം മുതല്‍ തന്നെ സിനിമയില്‍ ഇത്തരം കാര്യങ്ങള്‍ തുടരുന്നുണ്ട്. അതിനാല്‍ തന്നെ കൂടുതല്‍ പ്രതികരണശേഷി ഉള്ളവരായി സ്ത്രീകള്‍ മാറണം. എന്തെങ്കിലും പ്രശ്‌നം ഉണ്ടായാല്‍ അവിടെ നില്‍ക്കരുത്. ഇറങ്ങിപോരാന്‍ തയ്യാറാകണം.നമ്മുടെ അതിര്‍വരമ്പുകള്‍ തീരുമാനിക്കേണ്ടതും അതില്‍ ഉറച്ചുനില്‍ക്കേണ്ടതും നമ്മള്‍ തന്നെയാണ്. നിലപാടുകളുടെ പേരില്‍ നഷ്ടമാകുന്ന അവസരത്തെ കുറിച്ചല്ല ആലോചിക്കേണ്ടതെന്നും കഠിനാധ്വാനം എന്തായാലും ഫലം തരുമെന്നും സണ്ണി ലിയോണ്‍ പറഞ്ഞു. പേട്ട റാപ് എന്ന സിനിമയുടെ പ്രചാരണത്തിനായി കേരളത്തില്‍ എത്തിയപ്പോഴാണ് താരം പ്രതികരണം നടത്തിയത്.