Madhav Suresh: സമൂഹമാധ്യമങ്ങളിലെ ട്രോളുകള്‍ക്ക് മറുപടിയുമായി സുരേഷ് ഗോപിയുടെ മകന്‍ മാധവ് സുരേഷ്. ' ഫാമിലി ഫുള്‍ ഇതുതന്നെ. ആ മൂത്ത ചെക്കന്‍ ആണെന്നു തോന്നുന്നു തമ്മില്‍ ഭേദം' എന്ന കമന്റിനാണ് മാധവ് സുരേഷിന്റെ മാസ് മറുപടി.
' അച്ഛനും ചേട്ടനും വലിയ കുഴപ്പം ഇല്ല. ഞാന്‍ കുറച്ച് പ്രശ്‌നമാണ് ബ്രോ' എന്ന് മാധവ് സുരേഷ് മറുപടി നല്‍കി. സുരേഷ് ഗോപിയെ നായകനാക്കി പ്രവിന്‍ നാരായണന്‍ സംവിധാനം ചെയ്യുന്ന ജാനകി വേഴ്സസ് സ്റ്റേറ്റ് ഓഫ് കേരള (JSK) എന്ന സിനിമയുടെ പ്രൊമോഷന്‍ ചടങ്ങിനിടെ മാധവ് സുരേഷ് സംസാരിച്ചതാണ് ട്രോളുകള്‍ക്കു കാരണമായത്.
m' സിനിമ പ്രേക്ഷകരാണ് അച്ഛനെ സൂപ്പര്‍സ്റ്റാറാക്കിയത്. സോ, അവര് തീരുമാനിച്ചാല്‍, എനിക്കൊരു കാലിബറുണ്ടെന്ന് അവര് മനസിലാക്കിയാല്‍ ചിലപ്പോ ഞാനും ഒരു ദിവസം....നിങ്ങളാണ് എന്നെ അവിടെ എത്തിക്കേണ്ടത്...,' മാധവ് സുരേഷ് പ്രൊമോഷന്‍ വേദിയില്‍ പറഞ്ഞിരുന്നു. ഇതിനു പിന്നാലെ സോഷ്യല്‍ മീഡിയയില്‍ ട്രോളുകളും നിറഞ്ഞു.
ജെ.എസ്.കെയില്‍ സുരേഷ് ഗോപിക്കൊപ്പം മാധവ് സുരേഷും അഭിനയിച്ചിട്ടുണ്ട്. സുരേഷ് ഗോപിക്കൊപ്പം കോംബിനേഷന്‍ സീനുകളില്‍ അടക്കം മാധവ് ഉണ്ടാകുമെന്നാണ് വിവരം. ജൂണ്‍ 27 നാണ് സിനിമ റിലീസ് ചെയ്യുക.
