സൂര്യയും കേരളത്തിലേക്ക്, കൂടെ നയന്‍താരയും അസിനും,19 വര്‍ഷങ്ങള്‍ക്കുശേഷമാണ് 'ഗജനി' വീണ്ടും തിയേറ്ററുകളിലേക്ക്

സൂര്യ, അസിന്‍, നയന്‍താര എന്നീ താരങ്ങള്‍ പ്രധാന വേഷങ്ങളില്‍ എത്തിയ 'ഗജനി'ഇപ്പോഴും മിനിസ്‌ക്രീനില്‍ കാണാന്‍ ആളുകളുണ്ട്.മുരുഗദോസ് തിരക്കഥയെഴുതി സംവിധാനം ചെയ്ത 'ഗജനി'തിയേറ്ററുകളില്‍ കാണാന്‍ പുതിയ തലമുറയ്ക്ക് ഒരു അവസരം.പുത്തന്‍ ഡിജിറ്റല്‍ റീമാസ്റ്റേഡ് പതിപ്പുമായി ജൂണ്‍ ഏഴിന് കേരളത്തിലെ തിയറ്ററുകളിലും സിനിമ റിലീസ് ചെയ്യും. 2005ല്‍ റിലീസ് ചെയ്ത സിനിമ 19 വര്‍ഷങ്ങള്‍ക്കുശേഷമാണ് തിയേറ്ററുകളില്‍ എത്തുന്നത്.

കേരളത്തിലും തമിഴ്‌നാട്ടിലും മാത്രമല്ല കര്‍ണാടകയിലും ചിത്രത്തിന് റി റിലീസ് ഉണ്ട്.ഗജിനി2k ഹൈ ക്വാളിറ്റി അറ്റ്‌മോസില്‍ തിയേറ്ററുകളില്‍ എത്തും.

 റിയാസ് ഖാന്‍, പ്രദീപ് റാവത്ത് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.ശ്രീ ശരവണാ ക്രിയേഷന്‍സിന്റെ ബാനറില്‍ സേലം ചന്ദ്രശേഖരന്‍ നിര്‍മ്മിച്ച സിനിമയുടെ ഛായാഗ്രഹണം രാജശേഖര്‍ നിര്‍വഹിച്ചിരിക്കുന്നു.ഹാരിസ് ജയരാജ് ഒരുക്കിയ ഗാനങ്ങള്‍ ഇപ്പോഴും കേള്‍ക്കാന്‍ ആളുകളുണ്ട്. എഡിറ്റിംഗ് ആന്റണി നിര്‍വഹിച്ചു.