മമ്മൂട്ടിക്ക് സമ്മാനമായി സ്വന്തം ബ്രാന്‍ഡിന്റെ ഷര്‍ട്ട് നല്‍കി കുഞ്ചന്റെ മകള്‍
ഫാഷന്‍ ഡിസൈന്‍ രംഗത്ത് സജീവ സാന്നിധ്യമായ സ്വാതി നിത അംബാനിയുടെ ഹര്‍ സര്‍ക്കിള്‍, ഫെമിന എന്നിവയില്‍ പ്രവര്‍ത്തിച്ചിട്ടുണ്ട്
Swathi Kunjan gifted shirt to Mammootty
ഫാഷന്റെ കാര്യത്തില്‍ യുവനടന്‍മാരേക്കാള്‍ ഒരുപടി മുന്നിലാണ് മലയാളത്തിന്റെ മെഗാസ്റ്റാര്‍ മമ്മൂട്ടി. അതുകൊണ്ട് തന്നെയായിരിക്കും തന്റെ സ്വന്തം ബ്രാന്‍ഡിന്റെ പുതിയ ഷര്‍ട്ടുമായി നടന്‍ കുഞ്ചന്റെ മകളും ഫാഷന്‍ ഡിസൈനറുമായ സ്വാതി കുഞ്ചന്‍ മമ്മൂട്ടിയുടെ അടുത്തേക്ക് എത്തിയത്. മമ്മൂട്ടിയുടെ വീട്ടിലെത്തിയാണ് സ്വാതി പുതിയ ഷര്‍ട്ട് സമ്മാനിച്ചത്.
വൈറ്റ് മുസ്താഷ് എന്ന സ്വന്തം ബ്രാന്‍ഡിന്റെ ഷര്‍ട്ടാണ് സ്വാതി മമ്മൂട്ടിക്ക് നല്‍കിയത്. വൈറ്റ് മുസ്താഷിന്റെ ഇന്‍സ്റ്റഗ്രാം പേജിലൂടെ സ്വാതി ചിത്രങ്ങള്‍ പങ്കുവച്ചിട്ടുണ്ട്. പ്രത്യേകം ഡിസൈന്‍ ചെയ്ത ഷര്‍ട്ടിന്റെ നിറം ചുവപ്പാണ്.
ഫാഷന്‍ ഡിസൈന്‍ രംഗത്ത് സജീവ സാന്നിധ്യമായ സ്വാതി നിത അംബാനിയുടെ ഹര്‍ സര്‍ക്കിള്‍, ഫെമിന എന്നിവയില്‍ പ്രവര്‍ത്തിച്ചിട്ടുണ്ട്. നടന്‍ കുഞ്ചന്റെ കുടുംബവുമായി വളരെ അടുത്ത ബന്ധമുള്ള താരമാണ് മമ്മൂട്ടി.
