കഴിഞ്ഞ വര്‍ഷം ജൂണില്‍ ആയിരുന്നു പൃഥ്വിരാജും ആഷിക് അബുവും ചേര്‍ന്ന് 'വാരിയംകുന്നന്‍' പ്രഖ്യാപിച്ചത്. അതിനുശേഷം സിനിമയെ കുറിച്ച് ഒരു അപ്‌ഡേറ്റും പുറത്തു വന്നിട്ടുണ്ടായിരുന്നില്ല. ചിത്രം ഉപേക്ഷിച്ചതായി സോഷ്യല്‍ മീഡിയയില്‍ പ്രചരണം നടന്നിരുന്നു. നിര്‍മ്മാതാവുമായ തര്‍ക്കമാണ് സിനിമയില്‍ നിന്നും പിന്മാറാനുള്ള കാരണമെന്ന് ആഷിക് അബു പറഞ്ഞു. ഇപ്പോഴിതാ സിനിമയില്‍ നിന്നും പിന്മാറിയ പൃഥ്വിരാജിനും ആഷിക് അബുവിനും പരിഹാസവുമായി ടി സിദ്ദിഖ് എംഎല്‍എ സോഷ്യല്‍ മീഡിയയിലൂടെ രംഗത്തെത്തി.
'വാഴപ്പിണ്ടി കഴിയ്ക്കുന്നതു മാത്രമല്ല, വാഴപ്പിണ്ടിയുടെ ജ്യൂസ് കുടിയ്ക്കുന്നതും ഏറെ നല്ലതാണ്. വാഴപ്പിണ്ടി ചെറുതായി അരിഞ്ഞ് ഇത് മിക്സിയില്‍ അടിച്ചെടുത്തു ജ്യൂസായി ഉപയോഗിക്കാം. സ്വാദിന് തേനും ഏലയ്ക്കയും വേണമെങ്കില്‍ ഉപയോഗിക്കാം. വാഴപ്പിണ്ടി ജ്യൂസ് കുടിയ്ക്കുന്നതു കൊണ്ടു ഗുണങ്ങളേറെയാണ്. നടന്‍ പൃഥിരാജിനും സംവിധായകന്‍ ആഷിക് അബുവിനും ഈ ജ്യൂസ് നിര്‍ദ്ദേശിക്കുന്നു.'-ടി സിദ്ദിഖ് കുറിച്ചു.
