കടുവ ചിത്രീകരണം പുരോഗമിക്കുകയാണ്. പൃഥ്വിരാജിനൊപ്പം വിവേക് ഒബ്‌റോയ് സെറ്റില്‍ ചേര്‍ന്നത് അടുത്തിടെയായിരുന്നു. നെഗറ്റീവ് റോളില്‍ വിവേക് ഒബ്‌റോയ് ഉണ്ടാകും. ചിത്രീകരണം ഏകദേശം അവസാനഘട്ടത്തിലേക്ക് നീക്കുമ്പോള്‍ ടീസര്‍ ഇന്ന് രാവിലെ 10 മണിക്ക് നിര്‍മാതാക്കള്‍ പുറത്തിറക്കും.
ഷാജി കൈലാസ് സംവിധാനം ചെയ്യുന്ന ചിത്രം ഒരു യഥാര്‍ത്ഥ സംഭവകഥയെ ആസ്പദമാക്കിയാണ് ഒരുങ്ങുന്നത്. ഈ സിനിമയിലെ പൃഥ്വിരാജിന്റെ ഗെറ്റപ്പ് ഏറെ ശ്രദ്ധ നേടിയിരുന്നു. ജിനു വി എബ്രഹാം ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ലിസ്റ്റിന്‍ സ്റ്റീഫന്റെ ഉടമസ്ഥതയിലുള്ള മാജിക് ഫ്രെയിംസും പൃഥ്വിരാജ് പ്രൊഡക്ഷന്‍സും ചേര്‍ന്നാണ് ചിത്രത്തിന്റെ നിര്‍മാണം.
എട്ടുവര്‍ഷത്തെ ഇടവേളയ്ക്ക് ശേഷം ഷാജി കൈലാസ് തിരിച്ചെത്തുന്ന ചിത്രംകൂടിയാണിത്.
