'ടൈഗര്‍ 3' കേരളത്തില്‍നിന്ന് എത്ര നേടി ? മികച്ച ഓപ്പണിങ് ലഭിച്ച ചിത്രത്തിന്റെ കളക്ഷന്‍ താഴേക്ക്

ഹിന്ദി ചിത്രങ്ങള്‍ കേരളത്തിലും വലിയ നേട്ടങ്ങള്‍ സ്വന്തമാക്കുന്നതാണ് സമീപകാലത്ത് കണ്ടത്. ഷാരൂഖ് ഖാന്റെ പഠാന്‍ ഉള്‍പ്പെടെയുള്ള സിനിമകള്‍ വിജയം കൊയ്തു.പഠാന്‍ റിലീസിന് ശേഷം വൈആര്‍എഫ് സ്‌പൈ യൂണിവേഴ്‌സിന്റെ ഭാഗമായ ടൈഗര്‍ മലയാളക്കര സ്വീകരിച്ചോ എന്ന് അറിയണ്ടേ ?

സല്‍മാന്‍ഖാന്റെ ടൈഗര്‍ 3 ദീപാവലി റിലീസായി നവംബര്‍ 12നാണ് പ്രദര്‍ശനം ആരംഭിച്ചത്. കേരളത്തില്‍ ആദ്യദിനം 1.1 കോടി നേടാന്‍ സിനിമയ്ക്കായി.ജവാനും പഠാനും ശേഷം ഈ നേട്ടത്തില്‍ എത്തുന്ന മൂന്നാമത്തെ ഹിന്ദി ചിത്രമായി ടൈഗര്‍ 3 മാറി.

രണ്ടാമത്തെ ദിവസം 40 ലക്ഷം മാത്രമാണ് സിനിമയ്ക്ക് കേരളത്തില്‍നിന്ന് നേടാനായത്. ആദ്യ ആഴ്ചയില്‍ നിന്ന് മൊത്തം 2.3 കോടി നേടി. മലയാളത്തില്‍ നിന്നും പുതിയ സിനിമകള്‍ റിലീസിന് എത്തുന്നതിനാല്‍ ടൈഗര്‍ 3 കേരളത്തില്‍ നിന്ന് വലിയ നേട്ടം ഉണ്ടാകുമെന്ന് പ്രതീക്ഷിക്കുന്നില്ല.