ബാക്കിയുള്ളവര്‍ പാന്‍ മസാല പരസ്യം ചെയ്യുമ്പോള്‍ അവന്‍ കോണ്ടത്തിന്റെ പരസ്യം തെരെഞ്ഞെടുത്തു, കാര്‍ത്തിക് ആര്യനെ പറ്റി വിദ്യാബാലന്‍

Karthik aryan

ബോളിവുഡില്‍ ചുരുക്കം സിനിമകളിലൂടെ സ്വന്തമായ ഇരിപ്പിടം നേടിയെടുത്ത താരമാണ് കാര്‍ത്തിക് ആര്യന്‍. ബോളിവുഡിലെ മുന്‍ നിര താരങ്ങളെല്ലാം തന്നെ പാന്‍ മസാല പരസ്യങ്ങളില്‍ അഭിനയിക്കുമ്പോള്‍ അത്തരം പരസ്യങ്ങള്‍ ചെയ്യില്ലെന്ന് കാര്‍ത്തിക് ആര്യന്‍ നേരത്തെ പ്രഖ്യാപിച്ചിരുന്നു. തന്റെ പുതിയ സിനിമയായ ഭൂല്‍ ഭുലയ്യയുടെ പ്രമോഷന്‍ പരിപാടിയിലും താരം ഇതിനെ പറ്റി സംസാരിച്ചു.

അതേസമയം പാന്‍ മസാല പരസ്യത്തിന് പകരം കോണ്ടം പരസ്യത്തിലാണ് കാര്‍ത്തിക് അഭിനയിച്ചതെന്നാണ് പ്രമോഷന്‍ പരിപാടിയിലുണ്ടായിരുന്ന വിദ്യാബാലന്‍ തമാശരൂപേണ പറഞ്ഞത്. താരങ്ങളുടെ ഈ രസകരമായ സംഭാഷണ വീഡിയോയാണ് ഇപ്പോള്‍ ശ്രദ്ധ നേടുന്നത്. ഭൂല്‍ ഭുലയ്യ 3 സിനിമയുടെ പ്രമോഷന്‍ പരിപാടിയ്ക്കിടെയായിരുന്നു സംഭവം. പാന്‍ മസാല നമ്മുടെ ആരോഗ്യത്തിന് ഹാനികരമാണ്. അതാണ് അത്തരം പരസ്യങ്ങള്‍ നിരസിച്ചത്. അവര്‍ ഒരുപാട് പ്രതിഫലം നല്‍കാന്‍ തയ്യാറായിരുന്നെങ്കിലും ഞാന്‍ തയ്യാറായിരുന്നില്ല. കാര്‍ത്തിക് ആര്യന്‍ പറഞ്ഞു. ഈ സമയത്താണ് കാര്‍ത്തിക് ആര്യന്‍ ചെയ്യുന്നത് കോണ്ടം പരസ്യങ്ങളാണെന്ന് വിദ്യാബാലന്‍ പറഞ്ഞത്. പാന്‍ മസാലയ്ക്ക് പിന്തുണ നല്‍കുന്നതിന് പകരം ഒരു ഹെല്‍ത്ത് പ്രൊഡക്ടെന്ന നിലയില്‍ കോണ്ടമാണ് കാര്‍ത്തിക് തിരെഞ്ഞെടുത്തതെന്നും സുരക്ഷയാണ് പ്രധാനമെന്നും വിദ്യാബാലന്‍ കൂട്ടിചേര്‍ത്തു.