'ഒടിയന്‍' സിനിമ ചെയ്യാന്‍ ആഗ്രഹിച്ചിരുന്നുവെന്ന് ലാല്‍ ജോസ്. എന്നാല്‍ അത് സാധിക്കാതെ പോയെന്നും ലാല്‍ ജോസ് ഒരു അഭിമുഖത്തിനിടെ തുറന്നു പറഞ്ഞു.
'ഒടിയന്‍ എന്ന് പറഞ്ഞ് കണ്ണന്‍കുട്ടി എഴുതിയ ഒരു പുസ്തകമുണ്ട്. അത് സിനിമയാക്കാന്‍ ഞാന്‍ ഒരുപാട് ആഗ്രഹിച്ചതായിരുന്നു അസിസ്റ്റന്റ് ഡയറക്ടര്‍ ആയിരുന്ന കാലത്താണ് ഫാന്റസി ഴോണറിലുള്ള സിനിമ ചെയ്യാന്‍ ആഗ്രഹിച്ചത്. അതിനായി കണ്ണന്‍കുട്ടിയെ സമീപിച്ചിരുന്നു .പക്ഷേ ആ സമയത്ത് പ്രിയനന്ദന്‍ അതിന്റെ റൈറ്റ്‌സ് വാങ്ങിയിരുന്നു. ആരെ വെച്ചായിരുന്നു അദ്ദേഹം ആ സിനിമ ചെയ്യാന്‍ ഉദ്ദേശിച്ചിരുന്നതെന്ന് എനിക്ക് അറിയില്ല. അങ്ങനെയാണ് എനിക്ക് അത് മിസ്സാകുന്നത്',- ലാല്‍ജോസ് പറഞ്ഞു.
വി.എ ശ്രീകുമാര്‍ മേനോന്‍ സംവിധാനം ചെയ്ത 'ഒടിയന്‍' ഇപ്പോഴും കാണാന്‍ ആളുകളുണ്ട്.2018-ലെ ഏറ്റവും പ്രതീക്ഷയോടെ കാത്തിരിക്കുന്ന ചിത്രങ്ങളില്‍ ഒന്നാണെങ്കിലും, 'ഒടിയന്‍' പ്രേക്ഷക പ്രതീക്ഷകള്‍ നിറവേറ്റുന്നതില്‍ പരാജയപ്പെട്ടു.2018 ഡിസംബര്‍ 14നാണ് ചിത്രം തിയേറ്ററുകളിലെത്തിയത്.
തേന്‍കുറിശ്ശിയിലെ അവസാന ഒടിയനായ മാണിക്യനെ വലിയ പ്രതീക്ഷകളോടെയായിരുന്നു പ്രേക്ഷകര്‍ വരവേറ്റത്.ഒടിയന്‍ ജാലവിദ്യ കാണിക്കാനായി മോഹന്‍ലാല്‍ തടി കുറച്ചിരുന്നു.വി എ ശ്രീകുമാര്‍ സംവിധാനം ചെയ്ത ചിത്രം ആന്റണി പെരുമ്പാവൂര്‍ ആണ് നിര്‍മ്മിച്ചത്. മഞ്ജുവാര്യര്‍, പ്രകാശ് രാജ്, സിദ്ദീഖ്, നരേന്‍, നന്ദു, ഇന്നസെന്റ് തുടങ്ങിയവരാണ് പ്രധാനവേഷങ്ങളില്‍ എത്തിയത്.
