തിലകന്‍ മരിക്കും മുമ്പ് ദുല്‍ഖറിനെ പറ്റി പറഞ്ഞത്, വര്‍ഷങ്ങള്‍ക്കുശേഷം അക്കാര്യത്തെക്കുറിച്ച് ഷോബി തിലകന്‍

ഉസ്താദ് ഹോട്ടലിലെ ഫാസിയും കരീം ഇക്കയും തമ്മിലുള്ള കോമ്പോ എത്ര രസമാണ്. ആ സിനിമയില്‍ അഭിനയിക്കുമ്പോള്‍ ദുല്‍ഖര്‍ തീരെ ചെറുപ്പം. വര്‍ഷങ്ങളുടെ എക്‌സ്പീരിയന്‍സ് ഉള്ള തിലകനെ അന്നത്തെ ദുല്‍ഖറിനെ കുറിച്ച് എന്തായിരിക്കും പറയാനുണ്ടാകുക. ഈ ചോദ്യം മകന്‍ ഷോബി, തിലകനോട് നേരിട്ട് ചോദിച്ചു. അദ്ദേഹം അന്ന് മകനോട് ദുല്‍ഖറിനെ കുറിച്ച് പറഞ്ഞു.

'ഒരാളെക്കുറിച്ച് പറയാന്‍ ഒരുപാട് മടിയുള്ള ആളാണ് അച്ഛന്‍. ഒരിക്കല്‍ അച്ഛന്റെ കൂടെ ഫ്‌ലൈറ്റില്‍ ഇരിക്കുമ്പോള്‍ ഞാന്‍ ചുമ്മാ അദ്ദേഹത്തോട് ദുല്‍ഖറിനെ കുറിച്ച് ചോദിച്ചും ദുല്‍ഖര്‍ എങ്ങനെയുണ്ട് എന്നാണ് ഞാന്‍ ചോദിച്ചത്. അവന്‍ കുഴപ്പമില്ല. അവന്റെ പ്രായം വെച്ച് നോക്കുമ്പോള്‍ നന്നായി ചെയ്യുന്നുണ്ട് എന്നാണ് മറുപടി പറഞ്ഞത്. അച്ഛന്റെ ഭാഗത്തുനിന്ന് അങ്ങനെ ഒരു അഭിപ്രായം വരാന്‍ കുറച്ചു പ്രയാസമാണ്. അത്രമാത്രം എക്‌സ്ട്രാ ഓര്‍ഡിനറി പെര്‍ഫോമന്‍സ് ചെയ്ത ഒരാളാണെങ്കില്‍ മാത്രമേ അച്ഛന്‍ അങ്ങനെ ഒരു അഭിപ്രായം പറയുകയുള്ളൂ. അവന്റെ പ്രായം വെച്ച് നോക്കുമ്പോള്‍ നന്നായി ചെയ്തിട്ടുണ്ടെന്ന് പറയണമെങ്കില്‍ അച്ഛന് അത്രമാത്രം അവനെ വിശ്വാസമുണ്ടെങ്കില്ലൊ അല്ലെങ്കില്‍ അവന്‍ നന്നായി ചെയ്തിട്ടോ തന്നെയാണ്.

 അല്ലെങ്കില്‍ പറയില്ല. അവര്‍ തമ്മിലുള്ള കെമിസ്ട്രി എന്ന് പറഞ്ഞത് വിശേഷിപ്പിക്കാമോ എന്ന് എനിക്ക് അറിയില്ല. ദുല്‍ഖര്‍ ഉപ്പുപ്പാ എന്ന് വിളിക്കുന്നതില്‍ തന്നെ വലിയ ഇന്റിമസി ഫീല്‍ ചെയ്യുന്നുണ്ട്.അറിഞ്ഞുകൊണ്ട് തന്നെയാകാം അച്ഛനെ ആ കഥാപാത്രത്തില്‍ ഇട്ടതെന്ന് എനിക്ക് തോന്നിയിട്ടുണ്ട്. ഞാന്‍ തിലകന്റെ മകനാണ്. എനിക്ക് പോലും അവരോട് അസൂയ തോന്നിയിട്ടുണ്ട്',- ഷോബി തിലകന്‍ പറഞ്ഞു.