രാഷ്ട്രപതി രാംനാഥ് കോവിന്ദിനെയും കൊവിഡ് 19 പരിശോധനയ്‌ക്ക് വിധേയനാക്കുമെന്ന് റിപ്പോര്‍ട്ടുകള്‍. കൊവിഡ് പോസിറ്റീവായ ആളുകളുമായി ബന്ധമുള്ളവര്‍ രാഷ്‌ട്രപതിഭവനില്‍ നടന്ന വിരുന്നില്‍ പങ്കെടുത്തതായി വിവരം ലഭിച്ചതിനെ തുടര്‍ന്നാണിത്.
രാഷ്ട്രപതി പങ്കെടുക്കേണ്ട പൊതുപരിപാടികളും ഈ സാഹചര്യത്തില്‍ റദ്ദാക്കുമെന്ന് അറിയുന്നു. ക്വാറന്‍റൈന്‍ ചട്ടങ്ങള്‍ ലംഘിച്ച് ബോക്‍സിംഗ് താരം മേരി കോം രാഷ്‌ട്രപതിഭവനിലെ വിരുന്നില്‍ പങ്കെടുത്തിരുന്നു. കൊവിഡ് പോസിറ്റീവായ ഗായിക കനിക കപൂറുമൊത്ത് ഒരു ചടങ്ങില്‍ പങ്കെടുത്ത ബി ജെ പി എം‌പി ദുഷ്യന്ത് സിംഗും രാഷ്ട്രപതി ഭവനിലെ വിരുന്നിനെത്തിയിരുന്നു.
