യുഎഇയില്‍ സ്‌കൂളുകള്‍ ഈ മാസം 30മുതല്‍ പ്രവര്‍ത്തനം ആരംഭിക്കും. സ്‌കൂള്‍ പഠനം തെരഞ്ഞെടുത്ത ചുരുക്കം വിദ്യാര്‍ഥികള്‍ മാത്രമാകും ആഗസ്റ്റ് 30 മുതല്‍ സ്‌കൂളിലെത്തി തുടങ്ങുക. കൊവിഡ് സുരക്ഷ കണക്കിലെടുത്ത് സ്‌കൂളിലേക്ക് വരുന്ന വിദ്യാര്‍ത്ഥികളില്‍ നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്. സ്‌കൂള്‍ പഠനമല്ലെങ്കില്‍ ഈ ലേണിങും വിദ്യാര്‍ത്ഥികള്‍ക്കോ രക്ഷിതാക്കള്‍ക്കോ തിരഞ്ഞെടുക്കാം.
യുഎ.ഇയിലെ സ്‌കൂളുകള്‍ മധ്യവേനല്‍ അവധി പിന്നിട്ടാണ് ഈമാസം 30ന് തുറക്കാനുള്ള സാഹചര്യത്തിലെത്തിയത്. പല സ്‌കൂളുകളിലും കോവിഡ് പരിശോധന പൂര്‍ത്തിയാക്കിയ അധ്യാപകര്‍ റിപ്പോര്‍ട്ട് ചെയ്ത് തുടങ്ങിയിട്ടുണ്ട്.
