ആശിഷ് നെഹ്‌റ വിരമിക്കാനൊരുങ്ങുന്നതായി റിപ്പോര്‍ട്ട്; പ്രതികരിക്കാതെ താരം
ആശിഷ് നെഹ്‌റ വിരമിക്കാനൊരുങ്ങുന്നതായി റിപ്പോര്‍ട്ട്; പ്രതികരിക്കാതെ താരം
ഇന്ത്യന്‍ ക്രിക്കറ്റ് താരം ആശിഷ് നെഹ്‌റ അന്താരാഷ്ട്ര ക്രിക്കറ്റില്‍ നിന്നും വിരമിക്കാനൊരുങ്ങുന്നതായി റിപ്പോര്‍ട്ട്. അടുത്തമാസം പതിനേഴിന് ന്യൂസിലന്‍ഡിനെതിരെ തിരുവനന്തപുരത്ത് നടക്കുന്ന മത്സരത്തോടെ താരം കളി മതിയാക്കുമെന്നാണ് സൂചന.
നെഹ്‌റയുമായി അടുത്ത ബന്ധമുള്ള കേന്ദ്രങ്ങളെ ഉദ്ദരിച്ച് മുംബൈ മിറര്‍ ദിനപത്രമാണ് ഈ വാര്‍ത്ത റിപ്പോര്‍ട്ട് ചെയ്‌തിരിക്കുന്നത്. അതേസമയം, പുറത്തുവന്ന വാര്‍ത്തയോട് പ്രതികരിക്കാന്‍ ടീമിലെ മുതിര്‍ന്ന താരം കൂടിയായ നെഹ്‌റ തയ്യാറായിട്ടില്ല.
ഇരുപതാം വയസില്‍ അന്താരാഷ്ട്ര ക്രിക്കറ്റിലേക്ക് കടന്നുവന്ന നെഹ്‌റ എഴ് ഇന്ത്യന്‍ നായകന്‍മാര്‍ക്ക് കീഴില്‍ കളിച്ചിട്ടുള്ള താരമാണ്. ഓസ്‌ട്രേലിയക്കെതിരായ ട്വന്റി-20 പരമ്പരയ്‌ക്കുള്ള ഇന്ത്യന്‍ ടീമില്‍ നെഹ്‌റയെ ഉള്‍പ്പെടുത്തിയത് ഏറെ വിവാദമായിരുന്നു.
