ആതിഥേയരായ ഓസ്‌ട്രേലിയയ്ക്ക് ഇന്ന് നിര്‍ണായകം. ശ്രീലങ്കയ്‌ക്കെതിരെയാണ് ഓസ്‌ട്രേലിയ ഇന്നിറങ്ങുക. ഇന്നത്തെ മത്സരം തോറ്റാല്‍ ഓസ്‌ട്രേലിയ ലോകകപ്പില്‍ നിന്ന് പുറത്താകാനും സാധ്യതയുണ്ട്.
ആദ്യ കളിയില്‍ ന്യൂസിലന്‍ഡിനോട് വലിയ മാര്‍ജിനില്‍ ഓസ്‌ട്രേലിയ തോറ്റിരുന്നു. ഇതാണ് ഓസീസിന് തിരിച്ചടിയായത്. ന്യൂസിലന്‍ഡിനെതിരായ കളിയില്‍ 89 റണ്‍സിന്റെ ദയനീയ പരാജയമാണ് ഓസീസ് ഏറ്റുവാങ്ങിയത്. ഇത് ഓസീസിന്റെ നെറ്റ് റണ്‍റേറ്റ് വലിയ രീതിയില്‍ കുറയാന്‍ കാരണമായി. മോശം നെറ്റ് റണ്‍റേറ്റോടെ ഗ്രൂപ്പ് എയിലെ പോയിന്റ് പട്ടികയില്‍ അവസാന സ്ഥാനത്താണ് ഓസ്‌ട്രേലിയ ഇപ്പോള്‍. അതുകൊണ്ട് ശ്രീലങ്കയോട് മികച്ച മാര്‍ജിനില്‍ ജയിക്കുക മാത്രമാണ് ഓസീസിനു മുന്നോട്ടുള്ള യാത്രയില്‍ ഗുണം ചെയ്യുക.
